Адно з галоўных свят у календары хлебаробаў прайшло на палетках КСУП “Першаи-2013” – гаспадаркі, якая першай у раёне прыступіла да масавай уборкі зерня. Афіцыйны старт жніву даў старшыня раённага выканаўчага камітэта Яўген Круковіч.
Па традыцыі, на ўраджайнае жніво блаславілі хлебаробаў святар касцёла Святога Юрыя ксёндз Валерый і настаяцель храма Пакрова Прасвятой Багародзіцы айцец Павел.
Удзельнікі Заслужанага калектыва Рэспублікі Беларусь фальклорнага ансамбля “Гасцінец” Ракаўскага цэнтра народнай творчасці з традыцыйнымі песнямі зажалі першы сноп і ўручылі старшыні Валожынскага райвыканкама Яўгену Круковічу. Музычныя віншаванні ўдзельнікам жніва дарыў народны ансамбль народнай песні “Сваякі” Валожынскага раённага цэнтра культуры.
