1 кастрычніка, народнае літаратурна-мастацкае аб’яднанне “Рунь” прыняло ўдзел у мерапрыемствах, прысвечаных Дню пажылых людзей, якія праходзілі ў раённым цэнтры культуры.
У фае ўстановы ўтульна размясціўся “Літаратурны зэдлік”, куды ўсіх гасцей запрашала кіраўнік аб’яднання Наталля Жылевіч. У гэты дзень Валожын наведала наша зямлячка, адданая “рунеўка”, член Міжнароднага саюза рускамоўных пісьменнікаў Марыя Мучынская. Паэтка чытала свае вершы, знаёміла з багатымі творчымі здабыткамі, гутарыла з наведвальнікамі і раздавала афтографы прыхільнікам сваёй творчасці.
Шмат людзей у гэты дзень прысела на "літаратурны зэдлік", сярод іх была і член Саюза пісьменнікаў Беларусі, горача любімая валожынцамі, і не толькі, Марыя Антонаўна Шакун.
