Воложинский районный
исполнительный комитет

09.10.2022 года удзельнікі тэатральнага гуртка “Жаронцы” і іх бацькі Ракаўскага Цэнтра народнай творчасці, кіраўнік Лямбовіч Хрысціна Станіславаўна зладзілі экскурсію ў г.п. Івянец. Мерапрыемства прымеркавана да Года гістарычнай памяці. Праграма дня была вельмі насычанай і цікавай.Першай кропкай прыпынку стала урочышча Тупальшчына, дзе пахаваны пісьменнік, драматург, стваральнік першага тэатра сучаснага тыпу на тэрыторыі Беларусі Вінцэнт Дунін-Марцынкевіч. Потым адбылася цікавая экскурсія ў Івянецкі музей традыцыйнай культуры. Дырэктар музея Адамовіч В.Т. правляла экскурсію па музею побыту і кузні. Дзеці пазнаёміліся таксаам  з працай ганчара і ткачыхі. Зацікавіў дзяцей і дарослых майстар-клас па лепцы з гліны. Завяршылася знаёмства з Івянцом наведваннем касцёла святога Міхаіла і кляштара францішканцаў, які вабіць да сябе сваёй веліччу, старажытнасцю і прыгажосцю. Усе ўдзельнікі экскурсіі засталіся задаволенымі.