10 снежня аматарскае аб’яднанне “Юны этнограф”, кіраўнік Васілеўская Анастасія Іванаўна, Ракаўскага Цэнтра народнай творчасці правялі круглы стол на тэму “Жыццё і творчасць Максіма Багдановіча”.
У мерапрыемстве ўдзельнічалі вучні Ракаўскай школы, якія знаходзяцца на уліку СНС і ІПР. Падчас мерапрыемства ўзгадалі асноўныя вехі жыцця паэта, адкрылі для сябе Максіма Багдановіча як пісьменніка-наватара і пісьменніка прыхільніка класічных формаў вершаў(актава,санет, трыалет...); прагледзелі ў запісе пастаноўку “Мушка-зелянушка і камарык-насаты тварык” у выкананні тэатральнага гуртка “Жаронцы”. У якасці рэфлексіі паспрабавалі скласці ўласны верш-актаву на тэму “Багдановіч у маім сэрцы”.
