Да 215 гадавіны з дня нараджэння класіка беларускай літаратуры — Вінцэнта Дуніна-Марцінкевіча 4 лютага ў Валожынскім раённым цэнтры культуры прайшла літаратурна-пазнавальная сустрэча “Больш за ўсё я бацькоўскаму краю адданы”.
У гэты дзень са сцэны, у выкананні артыстаў раённага цэнтра культуры, гучалі творы Дуніна-Марцінкевіча, а члены тэатра-студыі “Летуценнікі” СШ №1 паказалі тэатральную замалёўку па п’есе аўтара “Пінская шляхта”.
Члены Саюза пісьменнікаў Марыя Шакун, Зінаіда Гасціловіч і член Міжнароднага Саюза рускамоўных пісьменнікаў Марыя Мучынская, удзельнікі народнага літаратурна-мастацкага аб’яднання “Рунь” Валожынскага раённага цэнтра культуры прапанавалі гледачам свае паэтычныя прысвячэніі Дудару беларускай зямлі.
Усё мерапрыемства прайшло на ўзнеслым эмацыяналіным настроі і было прасякнута думкамі аб захаванні нашай літаратурнай спадчыны, аб чым думаў і клапаціўся наш славуты зямляк: каб веліч былога не сцерці!
