12 мая, удзельнікі народнага літаратурна-мастацкага аб’яднання “Рунь”, што працуе пры Валожынскім раённым цэнтры культуры, ладзілі творчую вандроўку ў вёску Сакаўшчына. І гэты дзень назаўсёды застанецца ў памяці непаўторным, яркім і запамінальным, бо быў напоўнена мноствам сустрэч, падзей і мерапрыемстваў. У мясцовай школе “рунеўцы” правялі, для навучэнцаў старэйшых класаў, літаратурную гасцёўню “Зямелькай роднаю распетая...”, а таксама пабывалі на экскурсіі ў школьным краязнаўчым музеі. У рамках пошукавай экспедыцыіі па збору матэрыялу для новай кнігі пра Віктара Каваленку наведалі аднаго з старэйшых жыхароў вёскі, Віктара Васільевіча Ракўца, які шмат расказаў пра свайго славутага земляка. У Сакаўчынскім сельскім доме культуры паслухалі цікавы расповед пра беларускія паясы, пабачылі як тчэцца пояс, а на майстар-класе, які правяла Алена Рыснік, зрабілі “Анёла ахоўніка” сваімі рукамі.