8 і 9 ліпеня Ракаўскі “Гасцінец” прыняў удзел у мерапрыемствах, прысвечаных 135-годдзю з Дня нараджэння Янкі Купалы. У выкананні калектыва прагучалі купальскія песні, прыпеўкі з танцамі. Потым з задавальненнем удзельнікі святаў танчылі традыцыйныя танцы. Даспадобы прыйшлося выступленне ракаўчан як гасцям Купалаўскага мемарыяльнага запаведніка “Вязынка”, так і парафіянам касцёла Найсвяцейшай Тройцы ў Радашковічах, дзе быў ахрышчаны славуты пясняр.