“ Жыве сяло роднае!..”… Менавіта так называлася свята вёскі Сіняя Гара Валожынскага раёна, якое 8 чэрвеня сабрала разам людзей цікавых і працавітых. Увесь запал душы яны аддавалі сваёй справе і працай множылі славу роднага куточка. Жыхароў вёскі і гасцей свята ветліва прыняла на сваім падворку Сабіна Эдвардаўна Маразоўская.. Свята стала падставай сказаць добрыя словы самым старэйшым сяльчанкам Марыі Геранімаўне Юроіць, якой споўнілася 91 год і Сабіне Эдвардаўне Маразоўскай- 90 год. Добрага здароўя і доўгіх год жыцця пажадалі ветэранам працы, сям’і Гунэфе Міхайлаўне і Уладзіміру Міхайлавічу Рыснікам, якія пражылі сумесна больш пятідзесяці гадоў. З асалодай слухалі жыхары вёскі Сіняя Гара жарты, народныя і сучасныя песні ў выкананні самадзейных артыстаў Вішнеўскага сельскага дома культуры і Валожынскага раённага цэнтра культуры.
