8 красавіка, па ініцыятыве народнага літаратурна-мастацкага калектыву “Рунь” у Валожынскім раённым цэнтры культуры адбылася прэзентацыя дзіцячай кнігі Члена Саюза пісьменнікаў Беларусі Лідзіі Гардынец “Я сябрую з сонцам”. У кнізе сабраны творы, напісаныя аўтарам у розныя гады – для свайго сына, унука і праўнука. Кожны верш мае свой адметны сюжэт і каларытных герояў і можа зацікавяць нават самага няўрымслівага маленькага чытача.
Навучэнцы чацвертага класа гімназіі №1 г. Валожына, якія прыйшлі на прэзентацыю, з зацікаўленасцю слухалі вершы ў аўтарскім выкананні, а таксама з ахвотай і самі чыталі творы з кнігі, задавалі Лідзіі Міхайлаўне разнастайныя пытанні. Дзяцей цікавіла і творчасць аўтара, і яе асабістае жыцце, і, нават, якую ролю ў яе жыцці адыграла кніга.
На сустрэчы для школьнікаў было шмат іншых цікавінак: загадкі і пытанні на веданне беларускай мовы, гульня “Падбяры словы” і спаборніцства хто лепш прачытае хуткагаворку. Была ў дзяцей і магчымасць адчуць сябе на месцы аўтараў і паспрабаваць свае сілы ў вершаскладанні.
Напрыканцы сустрэчы Лідзія Гардынец падаравала дзецям сваю кнігу і ўручыла салодкія пачастункі.
