“ЯК ПОВЕЗЬ ЧАСУ НЕ ПАРВАЦЬ?”
29 кастрычніка ў Тэрытарыяльным цэнтры сацыяльнага абслугоўвання насельніцтва адбылася асаблівая падзея, прысвечаная Дню пажылых людзей. Удзельнікі народнага калектыву літаратурна-мастацкага майстэрства “Рунь” і падаравалі прысутным сапраўдны святочны літаратурны марафон, напоўнены шчырасцю, мудрасцю і любоўю да роднай зямлі.
Паэты “Руні” – Марыя Шакун, Галіна Гражынская, Галіна Філяноўская, Аксана Мітрошчанкава – прадставілі свае вершы, у якіх гучала галоўная тэма сустрэчы: важнасць непарыўнай сувязі пакаленняў і захавання культурнага кода беларусаў. Кожны радок, пранізаны глыбокім разуменнем гісторыі і традыцый, стаў свайго роду мостам, які злучае мінулае, сучаснасць і будучыню.
Да літаратурнага марафону далучыліся і паважаныя госці – Софья Кавяза і Ірына Гаўрыс, чые выступленні дадалі сустрэчы асаблівага каларыту і разнастайнасці.
Кіраўнік “Руні” Наталля Жылевіч, прадстаўляючы кожнага ўдзельніка, падкрэсліла важнасць такой творчай дзейнасці для захавання духоўнай спадчыны і перадачы яе маладому пакаленню.
У выніку літаратурнага марафону кожны прысутны атрымаў адказ на вечнае пытанне: што ж з’яўляецца той непарыўнай сувяззю паміж пакаленнямі? Безумоўна, гэта – памяць, культура, мова і традыцыі, якія мы павінны беражліва захоўваць і перадаваць з рук у рукі, з сэрца ў сэрца.
