Валожынскі раённы
выканаўчы камітэт

Чарговы маніторынг выканання заканадаўства аб ахове працы раённая мабільная група правяла на сельгаспрадпрыемствах раёна.

У раёне праходзіць месячнік бяспекі ў сельскай гаспадарцы. Мэта — праверыць умовы працы ў сельгасарганізацыях падчас уборкі збожжавых. Штотыдзень спецыялісты ведамстваў і падраздзяленняў райвыканкама выязджаюць і на месцы вывучаюць умовы, у якіх працуюць камбайнеры, вадзіцелі, работнікі зернесушыльных складоў. Сёння пад кантроль трапілі «Сівіца» і «Суднікоўскі».

valozhin.by/

У гады Вялікай Айчыннай вайны гітлераўцы праводзілі нечалавечую палітыку ў адносінах да мірных жыхароў яўрэйскай нацыянальнасці. На тэрыторыі Валожынскага раёна фашысцкія акупацыйныя ўлады ў ліпені 1941 года стварылі ў Валожыне, Вішневе, Забрэззi, Івянцы і Ракаве яўрэйскія гета - масавыя лагеры смерці.

Супрацоўнікі Валожынскага краязнаўчага музея распавялі дзецям старэйшых класаў, якія адпачываюць у дзіцячым санаторыі «Налібоцкая пушча», пра зверствы, якія чынілі нацысты ў гета г.Валожына і м. Вішнева. Падчас экскурсіі дзеці пабывалі на месцы гета ў аг. Вішнёва і наведалі месца пахавання ахвяр Халакосту.

З калектывам рэдакцыі раённай газеты «Працоўная слава» сустрэлася сёння генеральны дырэктар інфармацыйнага агенцтва «Белта» Ірына Акуловіч. Сустрэча прайшла ў рамках Адзінага дня інфармавання.

Дырэктар агенцтва расказала таксама і пра новыя падыходы працы ў інфармацыйнай прасторы.

— Рэаліі сучаснага свету патрабуюць дакладнасці і аператыўнасці ў падачы інфармацыі. Цяпер рэдакцыя - гэта не толькі газета, але і сайт, сацыяльныя сеткі і месэнджары. Такі падыход дае магчымасць ахапіць навінамі розную катэгорыю чытачоў. Раёнка павінна быць асноўнай першакрыніцай навін вашага рэгіёна, а журналісты самі ствараць інфаповад.

Ірына Акуловіч таксама адзначыла:

- Галоўнымі героямі старонак газеты павінны быць самыя звычайныя людзі і іх меркаванне. Кожная рэспубліканская навіна павінна мець водгук у жыхароў населеных пунктаў і падавацца ў фармаце меркаванняў. Я бачу, што ў вашым выданні гэты накірунак актыўна вядзецца.

Наталля Нямкевіч

valozhin.by

Малодшы склад ансамбля Менестрэлі Ракаўскай ДШМ стаў лаўрэатам 1 ступені і прэтэндэнтам на ўдзел у гала-канцэрце ў Маскве на міжнародным конкурсе «Музыка і Развіццё», катэгорыя 13-15 гадоў.

Конкурс праходзіць пры падтрымцы расійскага Прэзідэнцкага фонду культурных ініцыятыў, Міністэрства культуры РФ, дэпартамента культуры Масквы. У складзе журы такія вядомыя дзеячы культуры як Міхаіл Казiнiк, музыкант Grand Мelody Оrchestra, прафесары РАМ ім.Гнесіных.

З 390 калектываў-удзельнікаў, лаўрэатамі сталі 164 (з Беларусі - каля 10).

Узнагароджанне пераможцаў і гала-канцэрт адбудзецца ў г. Масква, у тэатры Надзеі Бабкінай 17 лістапада, пасля таго, як пройдзе 2 (вочны) тур для катэгорыі «салісты».

Студэнцкі будаўнічы атрад "Машэраўцы" Віцебскага дзяржаўнага ўніверсітэта імя П.М. Машэрава пачаў працаваць на Усебеларускай маладзёжнай будоўлі ў мемарыяльным комплексе "Хатынь". Студатрадаўцы дапамагаюць будаўнікам у рамонце манументаў і гранітных пліт, а таксама на будаўніцтве музея. Поўнамаштабную рэканструкцыю комплексу плануецца завяршыць да сакавіка 2023 года - 80-й гадавіны спалення Хатыні.

У Беларусі піваварны ячмень убралі на 35,1 працэнта плошчаў, паведамілі БЕЛТА ў Міністэрстве сельскай гаспадаркі і харчавання.

Незабыўны водны сплаў па рацэ Іслач лепшы выбар для пачаткоўцаў! Прырода ракі Іслач улюбляе вандроўцу з першых момантаў знаёмства. Шырокія, але не глыбокія калідоры, утульна выбудаваныя прыродай, з дапамогай густога лесу звісаючага над вадой. Праз іх прабіваюцца промні сонца, ярка граючыя на бягучай роўнядзі вады. Хуткая плынь і звілістае рэчышча ракі не пакінуць абыякавым нават самага спрактыкаванага турыста.

Для каго:

• падыходзіць як для пачаткоўцаў, так і для прафесіяналаў
• сем'яў з дзецьмі
• рамантычных спатканняў
• для тых, хто хоча незвычайна правесці свята
• для эканомнага карпаратыўнага адпачынку
• для тых, хто хоча зрабіць незабыўны падарунак

Для атрымання больш падрабязнай інфармацыі тэлефанаваць па тэлефоне +375293882831 ці 801772 48985

1 жніўня 1914 года пачалася Першая сусветная вайна. З тых часоў прайшло больш за сто гадоў. На жаль, аб тых трагічных падзеях мы сёння гаворым мала. А з 1915 па 1918 год лінія фронту прайшла вогненнай паласой і праз нашу Валожыншчыну. Супрацоўнікі краязнаўчага музея падрыхтавалі экскурсію (Валожын – Дзесятнікі) па памятных месцах часоў Першай сусветнай вайны і правялі яе для дзяцей, якія знаходзяцца на аздараўленні ў дзіцячым санаторыі «Налібоцкая пушча».

Фізкультурна-аздараўленчы Цэнтр Валожынскага раёна з вучнямі гімназіі N1 г.Валожына падчас летняга лагера наведалі рэспубліканскі заказнік Налібоцкі. Наведалі гадавальнік па развядзенні глушцоў. Паглядзелі на статак тарпанаў, прагуляліся па экалагічнай сцежцы «Сябрыньскае скрыжаванне».

Вось і наступіў апошні месяц лета. Самы час, каб набрацца сіл да новага навучальнага года. У ДУА «Ракаўская сярэдняя школа» пачаў працаваць аздараўленчы лагер з дзённым знаходжаннем дзяцей «Сонечная планета». Першыя дні праляцелі незаўважна, хлопцы весела праводзяць час гуляючы, удзельнічаючы ў спартыўных мерапрыемствах, падарожнічаючы па родных мясцінах