Валожынскі раённы
выканаўчы камітэт

Навучэнцы 3 «А» класа сярэдняй школы №1 г. Валожына наведалі краязнаўчы музей. Хлопцы здзейснілі дзіўнае падарожжа ў царства Налібоцкага краю. Яны пазнаёміліся з рэдкімі прадстаўнікамі фаўны налібоцкага лесу, наведаўшы экспазіцыю «Прырода і экалогія Налібоцкай пушчы». Яркія эмоцыі ў дзяцей выклікалі слайды з сюжэтамі фота і відэакамер з заказніка «Налібоцкі».

За дасягненне высокіх паказчыкаў у працы і сацыяльна-эканамічным развіцці ў 2022 годзе сярод работнікаў сферы папярэджання і ліквідацыі надзвычайных сітуацый прыроднага і тэхнагеннага характару і грамадзянскай абароны на Дошку гонару Валожынскага раёна занесены Станкевіч Аляксандр, старшы інструктар-ратавальнік пажарнай аварыйна-выратавальнай часці №1 Валожынскага РАНС.

Ратавальнікі - гэта людзі, якія ў любы момант, у любы час сутак здольныя прыйсці на дапамогу чалавеку, які трапіў у бяду. У іх няма права на памылку, таму пастаяннае ўдасканаленне ў прафесіі - хутчэй неабходнасць, чым прывілей.

Па выніках работы за 2022 год лепшым ратавальнікам Валожынскага раённага аддзела па надзвычайных сітуацыях стаў старшы прапаршчык унутранай службы, старшы інструктар-ратавальнік пажарнай аварыйна-выратавальнай часці № 1 Аляксандр СТАНКЕВІЧ.

Аляксандр ужо 18 гадоў стаіць на варце бяспекі. З самага дзяцінства ён ведаў, што хоча дапамагаць людзям, як бы гэта пафасна не гучала. Таму над тым, з якой прафесіяй звязаць сваё жыццё, доўга не думаў. За гады працы ні разу не пашкадаваў аб сваім выбары. Пачаў свой баявы шлях пажарнікам аварыйна-выратавальнай часці № 8 у 2007 годзе, затым была служба на пасадзе камандзіра аддзялення пажарнай аварыйна-выратавальнай часці №1 горада Валожына.

На яго рахунку больш за 120 патушаных пажараў і ўзгаранняў. Больш за 50 будынкаў папярэджана ад знішчэння агнём. Пры яго непасрэдным удзеле выратавана 3 чалавекі. Старэйшы прапаршчык унутранай службы браў удзел у ліквідацыі наступстваў затаплення дамоў падчас прарыву дамбы ў Валожыне, на працягу двух сутак змагаўся з агнём на буйным сельскагаспадарчым прадпрыемстве.

Калегі адзначаюць, што ў надзвычайных сітуацыях Аляксандр дзейнічае граматна і рашуча, свае высокакваліфікаваныя навыкі і ўменні неаднаразова дэманструе ў баявой працы.

За добрасумленнае выкананне абавязкаў, высокі прафесіяналізм у 2023 годзе ўзнагароджаны ганаровай граматай Міністэрства па надзвычайных сітуацыях.

valozhin.by

У гэтыя дні праходзіць тэхнічная вучоба па ахове працы з вальшчыкамі лесу і майстрамі лесу. Растлумачваюцца сучасныя падыходы да бяспекі пры правядзенні лесасечных работ.

volozhinles.by

31 студзеня 2023 года ў Валожынскім раённым цэнтры культуры прайшоў юбілейны канцэрт дуэта «Рэтра» Іосіфа Сухавецкага і Радмілы.

Выхаванцы Валожынскага раённага цэнтра карэкцыйна-развіваючага навучання і рэабілітацыі ў чарговы раз наведалі музей. Яны пазнаёміліся з выставай «Лялькі савецкага перыяду», а потым прынялі ўдзел у майстар-класе па вырабе вясновых лялячак - марцінічак з нітак. Кожны выхаванец ЦКРНіР вырабіў для сябе лялячку на памяць аб наведванні выставы.

У ААТ "Слуцкі льнозавод" прайшла рэспубліканская нарада па развіцці льнаводчай галіны Беларусі, паведамілі БЕЛТА ў прэс-службе Мінсельгасхарча.

Надзвычайны і Паўнамоцны Пасол Рэспублікі Беларусь у Ісламскай Рэспубліцы Іран Дзмітрый Кальцоў сустрэўся з першым намеснікам міністра навукі, даследаванняў і тэхналогій Ірана Вахідам Хададам Аслам. Аб гэтым карэспандэнту БЕЛТА расказалі ў беларускай загранустанове ў Тэгеране.

4 лютага спаўняецца 215 гадоў з дня нараджэння Вінцэнта Дуніна-Марцінкевіча, беларускага пісьменніка, паэта, драматурга, класіка беларускай літаратуры, заснавальніка першага беларускага тэатра.

02.02.2023г. Вішнеўская сельская бібліятэка правяла вандроўку па творчасці "Літаратурная старонка Вінцэнта Дуніна-Марцінкевіча". Падчас вандроўкі дзеці пазнаёміліся з жыццёвым і творчым шляхам паэта.

У ДУА «Ракаўскі дзіцячы сад «Сонейка» праведзена пасяджэнне раённага метадычнага аб'яднання музычных кіраўнікоў устаноў дашкольнай адукацыі.

Музычны кіраўнік Ракаўскага дзіцячага садка, Пякарская Таццяна прадэманстравала ўдзельнікам метадычнага аб'яднання музычную забаўку з выхаванцамі старэйшай групы «Наша хата пацехамі багата» па далучэнні дзяцей дашкольнага ўзросту да беларускай нацыянальнай культуры.

Музычныя кіраўнікі раёна абмяркоўвалі пытанні сучасных падыходаў да маральна-патрыятычнага выхавання дзяцей дашкольнага ўзросту ў працэсе музычнай дзейнасці, вызначалі ролю сям'і ў патрыятычным выхаванні дашкольнікаў.

Яркім і запамінальным эмацыйным дадаткам метадычнага аб'яднання стала выступленне ўдзельнікаў тэатральнага гуртка «Жаронцы» Ракаўскага цэнтра народнай творчасці са спектаклем Беларускага народнага лялечнага тэатра Батлейка пад кіраўніцтвам Крысціны Лямбовіч.

/valozhin.by

Пры прыёме на працу з мэтай праверкі адпаведнасці працаўніка даручанай яму працы можа быць усталявана папярэдняе выпрабаванне (ч.1 арт.28 ПК).

Пры наяўнасці ў працоўным дагаворы ўмовы аб папярэднім выпрабаванні, ён можа быць спынены, як да яго заканчэння, так і пасля яго заканчэння.

Скасаванне працоўнай дамовы з папярэднім выпрабаваннем з'яўляецца асабістай падставай звальнення працаўніка.

Згодна з ч.1 арт.29 ПК скасаваць працоўны дагавор з папярэднім выпрабаваннем мае права кожны з бакоў:

1) да заканчэння тэрміну папярэдняга выпрабавання, папярэдзіўшы аб гэтым іншы бок пісьмова за тры дні;
2) у дзень заканчэння тэрміну папярэдняга выпрабавання.

Па інфармацыі Дэпартамента дзяржаўнай інспекцыі працы

valozhin.by