Воложинский районный
исполнительный комитет

Такое меркаванне выказалі жыхары мікрараёна Сельгастэхніка.

Пятніца, 13.55 – менавіта ў гэты час да адміністрацыйнага будынка райаграпрамтэхнікі пад’ехала машына “хуткай дапамогі”. На чарговую змену ў перасовачны прышчэпачны пункт, які размясціўся ў будынку ведамаснага інтэрната прадпрыемства, прыехалі медыцынскія работнікі. Пункт адкрыты другі дзень, а пад дзвярамі ўжо ўтварылася невялікая чарга з 6-і чалавек. Тут не толькі работнікі райаграпрамтэхнікі, але і жыхары мікрараёна: хтосьці ўжо канкрэтна вызначыўся і прыйшоў зрабіць прышчэпку, а хтосьці – запытацца пра вакцыны. Гутарым з людзьмі:

Валянцін ЖВІРКО, работнік райаграпрамтэхнікі:

   – Людзі прышчэпліваюцца і быццам бы нядрэнна пасля сябе адчуваюць, ды і не чуў, каб пасля хварэлі. Таму і я вырашыў зрабіць прышчэпку, жонка таксама збіраецца. Дзеці жывуць у Барысаве, яны даўно ўжо прышчапіліся. Сярод знаёмых цяжка перахварэўшых няма, аднак засцерагчыся варта. Да таго ж, па паліклініцы не трэба хадзіць і ў чэргах стаяць – ёсць магчымасць спакойна прыйсці і прышчапіцца.

Пётр ГАТОЎСКІ, работнік райаграпрамтэхнікі:

   – Да прышчэпкі супраць COVID-19 адношуся станоўча: лічу, што зрабіць трэба абавязкова. Сам не хварэў і не заразіўся, але з-за таго, што ў сям’і былі захварэўшыя, знаходзіўся на каранціне. Добра, што адкрылі такі пункт менавіта ў нас тут: зручна і больш небяспечна.

Мікалай ПАШКОЎСКІ, пенсіянер:

   – Жыву ў мікрараёне Сельгастэхніка. Валожын не такі вялікі, таму чуткі пра тое, што ў нас адкрыецца прышчэпачны пункт, хутка дайшлі. У паліклініцы шмат хворых людзей, а тут ціха, свабодна, паблізу – таму, безумоўна ж, трэба скарыстаць прадастаўленую магчымасць. Жыву адзін, пакуль Бог мілаваў – не захварэў. Але за інфармацыяй сачу пільна – і па радыё, і па тэлебачанні ўсё слухаю і гляджу. Прышчапіцца вырашыў сам, а ўчора дачка “падагнала”: маўляў, пайшлі хутчэй. Думаю: “Трэба прышчэплівацца”. Вось сёння з ёй і прыйшлі разам.

Алена ЗАЛЕСКАЯ

Фота Сяргея БОБРЫКА

Аб тым, што хвалюе

КАРАНАВІРУСУ НА ВЫТВОРЧАСЦІ НЕ МЕСЦА

Нядаўна да супрацоўнікаў ААТ “Валожынская райаграпрамтэхніка” завіталі прадстаўнікі райпаліклінікі з мэтай павелічэння колькасці вакцынаваных на гэтым прадпрыемстве.

Жадаючыя атрымаць прышчэпку папярэдне прайшлі агляд урача Віктара Хаткевіча. Кожнаму з іх памералі сатурацыю, артэрыяльны ціск, задалі належныя пытанні, далі кансультацыю адносна таго, як неабходна паводзіць сябе ў бліжэйшы час і на што звяртаць увагу.

Мы ж пацікавіліся ў людзей, якія завіталі ў актавую залу, дзе часова размясціўся пункт па вакцынацыі, наколькі сур’ёзна яны ставяцца да працэдуры. Грунтоўны адказ за ўсіх сваіх калег даў токар Вячаслаў Хацяновіч. Ён заўважыў: “Іншага выйсця проста няма. Хочаш жыць і не хварэць, спяшайся прышчапіцца!”

Тэкст і фота Валянціны КРАЎНЕВІЧ

Вячаслаў ХАЦЯНОВІЧ

Для семей, воспитывающих детей-инвалидов, в детских-интернатных учреждениях Минской области организована услуга «социальная передышка», позволяющая родителям определять детей на круглосуточное пребывание сроком до 56 дней.

Напярэдадні Дня работнікаў культуры Падзякай старшыні Мінаблвыканкама адзначана рэжысёр Ракаўскага цэнтра народнай творчасці Хрысціна Станіславаўна Лямбовіч, Ганаровай граматай галоўнага ўпраўлення культуры Мінаблвыканкама – выкладчык па класе акардэона Ракаўскай дзіцячай школы мастацтваў Кацярына Уладзіміраўна Дварэцкая. Яе калега, выкладчык гэтай жа ўстановы па класе тэорыі і сальфеджыа Юлія Вітальеўна Скурко ўзнагароджана Ганаровай граматай райвыканкама, як і кіраўнік народнага аб’яднання народных майстроў “Скарбніца” раённага Цэнтра культуры Наталія Міхайлаўна Кліменак.

Падзякі старшыні райвыканкама атрымалі дырэктар Івянецкага музея традыцыйнай культуры Валянціна Тадэвушаўна Адамовіч, дырэктар Валожынскага раённага Цэнтра культуры Алена Іванаўна Конаўка, выкладчык па класе драўляных духавых інструментаў Івянецкай дзіцячай школы мастацтваў Кацярына Пятроўна Радзівілава, загадчык Сакаўшчынскага сельскага цэнтра культуры Алёна Феліксаўна Рыснік, дырэктар Івянецкага дома культуры Станіслаў Іванавіч Бурачэўскі. Ва ўрачыстай абстаноўцы заслужаныя ўзнагароды работнікам культуры ўручыў старшыня райвыканкама Яўген Міхайлавіч Круковіч.

Ля вытокаў чароўнага свету музыкі

Ужо шмат гадоў пры Івянецкай дзіцячай школе мастацтваў імя Канстанціна Паплаўскага існуе ансамбль старадаўняй народнай музыкі “Рарог”, якім кіруе настаўніца па класе драўляных духавых інструментаў Кацярына РАДЗІВІЛАВА. Да прафесійнага свята кіраўнік узнагароджана Падзякай старшыні райвыканкама.

Першапачаткова ансамбль быў створаны педагогам пры гімназіі № 9 г. Мінска ў 2003 годзе, а праз тры гады ён працягнуў сваю творчую дзейнасць у гарпасёлку. У склад уваходзяць дзеці ад 7 да 15 гадоў, колькасны і якасны склад удзельнікаў абнаўляецца – адзін вучань іграе ў ансамблі, як правіла, у асноўным з 3-га па 5-ы клас навучання.

Калектыў займаецца захаваннем, адраджэннем і папулярызацыяй народнай традыцыйнай музыкі рэгіёну і Беларусі, навучаннем ігры на традыцыйных народных інструментах: дуда, жалейка, дудка, колавая ліра, гуслі, скрыпка, салавейка, акарына, чаротка, барабан, бубен. Інструменты выраблены беларускімі майстрамі. Педагог па-майстэрску валодае ігрой на ўсіх інструментах і прывівае дзецям павагу і любоў да беларускай народнай музыкі, народных традыцый і нацыянальнай культуры.

Рэпертуар калектыву папаўняецца дзякуючы этнаграфічным экспедыцыям і архіўным этнаграфічным запісам. У далейшым плануецца вывучэнне і выкарыстанне музычных твораў перыяду барока на тэрыторыі Беларусі.

У 2016 годзе ансамбль удзельнічаў у запісе відэаматэрыялаў “Аб далучэнні Рэспублікі Беларусь да мультынацыянальнага файла “Культура дуды” ў спісе нематэрыяльнай культурынай спадчыны чалавецтва (UNESCO)”.

“Рарог” неаднаразова станавіўся лаўрэатам міжнародных і рэспубліканскіх конкурсаў. За свае дасягненні ў снежні 2020 года ўдзельнікі калектыву былі ўдастоены прэміі спецыяльнага фонду Прэзідэнта Рэспублікі Беларусь па падтрымцы таленавітай моладзі. На IX Рэспубліканскім творчым радыёконкурсе “Маладыя таленты Беларусі” ўзнагароджаны дыпломам II ступені з прысваеннем звання лаўрэат у намінацыі “Спадчына. Ансамблі”. У скарбонцы перамог – дыплом I ступені на III Міжнародным фестывалі-конкурсе вакальнай і інструментальнай музыкі “Fern Flower International Minsk 2020” (“Папараць-кветка”), такую ж узнагароду атрымаў і саліст ансамбля Павел Ройка ў намінацыі “Інструментальная музыка. Сола. Народныя інструменты”.

Досыць плённым і паспяховым быў і сёлетні год. У прыватнасці, кіраўнік ансамбля Кацярына Радзівілава прымала ўдзел у 31-м міжнародным фестывалі народнай музыкі “Звіняць цымбалы і гармонік”, які прайшоў у чэрвені ў горадзе Паставы. У намінацыі індывідуальны выканаўца на народных інструментах яна была ўзнагароджана спецыяльным дыпломам “Лаўрэат 1-й ступені” за папулярызацыю народнага мастацтва, захаванне і развіццё музычных традыцый. А ў чэрвені маладых выканаўцаў запрасілі прыняць удзел у праграму Таццяны Якушавай “Творчы вечар”, якая выходзіць у эфір на 1-м Нацыянальным канале Беларускага радыё.

Хочацца пажадаць калектыву і яго таленавітаму кіраўніку далейшых поспехаў і перамог!

Наш кар.

6 кастрычніка для дзяцей 2-га класа Гімназіі № 1 супрацоўнікі Валожынскага музея правялі музейна-педагагічны занятак “Таямніцы бабулінай хаты”. Школьнікі даведаліся пра цікавыя рэчы ў сялянскай хаце, паглядзелі мультымедыйную прэзентацыю і мультфільм па тэме, а таксама пачаставаліся смачным хлебам, які быў спечаны па традыцыйнаму беларускаму рэцэпту.

В рамках мини-проекта взаимодействия воспитанники "Воложинского районного центра коррекционно-развивающего обучения и реабилитации" в очередной раз посетили Воложинский краеведческий музей. Для них сотрудники музея подготовили экскурсию «Зимородок – символ Воложинского района». Это было уже десятое посещение музея воспитанниками центра с начала этого года. В дальнейшем сотрудничество центра и музея продолжится.

Марыя Вікенцьеўна КАНАНОВІЧ, Алег СЕМЯНЧУК і Галіна РАЙ.

Штогод у Дзень пажылых людзей прадстаўнікі органаў улады, сацыяльных устаноў, грамадскіх арганізацый знаходзяць час, каб павітаць самых паважаных жыхароў раёна, уручыць ім падарункі.

У гасцях у жыхароў Валожыншчыны, якія паспелі адзначыць стагадовыя юбілеі, пабывалі дэпутат Палаты прадстаўнікоў Нацыянальнага сходу Рэспублікі Беларусь Алег Семянчук, начальнік упраўлення па працы, занятасці і сацыяльнай абароне райвыканкама Святлана Ракавец, дырэктар ТЦСАН Галіна Рай. У прыватнасці, Марыя Вікенцьеўна Канановіч з вёскі Лістапады нарадзілася ў 1904 годзе і сёлета адзначае 117-ы (!) дзень нараджэння.

Доўгажыхары з цудоўным настроем сустрэлі візіцёраў, з радасцю выслухалі пажаданні здароўя, дабрабыту, доўгіх гадоў жыцця і самі перадалі ўсім валожынцам пажаданні моцнага здароўя.

Намеснік дырэктара ТЦСАН Вольга ПРАТАСЕВІЧ, Вера Аляксандраўна ІОДА і начальнік упраўлення па працы, занятасці і сацыяльнай абароне Святлана РАКАВЕЦ.Санітарка “Сямейнага прычала” Тамара ВАСІЛЕЎСКАЯ і падапечныя Іван АРЛОВІЧ, Галіна ДОЛМАТ, Васілій ЖОХАВЕЦ.

Прадстаўнікі сацыяльнай службы наведалі пажылых людзей, што знаходзяцца ў бальніцы сястрынскага догляду ў Пяршаях, на сацыяльных ложках у Ракаўскай і Івянецкай бальніцах, а таксама ва ўстанове “Сямейны прычал”. Сюды дастаўлены салодкія падарункі, набытыя раённай арганізацыяй “Белая Русь”.

Валянціна КРАЎНЕВІЧ

Прыгожую дзяўчыну з моцным чароўным голасам – Юлію СКУРКО добра ведаюць не толькі ў раёне, але і далёка за яго межамі. Яна сапраўды любіць справу, якой прысвяціла сваё жыццё, і поўнасцю аддадзена ёй.

Восем гадоў назад пасля заканчэння Мінскага дзяржаўнага каледжа мастацтваў жыхарка сталіцы была размеркавана на працу ў Ракаўскую дзіцячую школу мастацтваў, дзе за гэты час заслужыла вялікі аўтарытэт і набыла шмат добрых сяброў.

Акрамя таго, што Юлія Вітальеўна выкладае ў школе мастацтваў такія прадметы, як пастаноўка голасу, хор, сальфеджыа, на працягу сямі гадоў з’яўляецца кіраўніком дзіцячага хору “Іслачанка”. З мінулага года ў яго складзе дзейнічаюць хор 1-3 класаў і хор сярэдніх і старэйшых класаў, куды ўваходзяць вучні 4-7-х класаў, а таксама выпускнікі мінулых гадоў, якія з задавальненнем працягваюць удзельнічаць ва ўсіх мерапрыемствах і конкурсах. Гэта дазваляе прадстаўляць разнастайную па змесце канцэртную праграму.

Гонарам калектыву і педагога з’яўляюцца выпускніцы хору, якія працягнулі творчы шлях і паступілі вучыцца ў Мінскія дзяржаўны каледж мастацтваў і дзяржаўны музычны каледж імя. М. І. Глінкі.

Хор “Iслачанка” стаў крыніцай натхнення для многіх юных жыхароў Ракава. Ён вядзе актыўную гастрольную дзейнасць і вядомы далёка за межамі краіны. Як кіраўнік дзіцячага калектыву Юлія Вітальеўна робіць усё, каб развіваць вакальныя магчымасці падапечных. Рэпертуар хору складаюць класічныя творы рускіх і замежных кампазітараў, народныя песні, духоўная музыка. Не пакідаюць па-за ўвагай і беларускіх, сучасных кампазітараў.

“Іслачанка” – актыўны ўдзельнік фестывалю духоўнай музыкі “Калядная зорка”, з 2018 года з’яўляецца адным з галоўных арганізатараў творчай сустрэчы-канцэрта “Харавая вясна” з дзіцячымі харавымі калектывамі г. Мінска і Мінскай вобласці, з 2019 года – удзельнікам Міжнароднага грамадскага харавога аб’яднання “Камертон” і выступае ў вялікай зале Белдзяржфілармоніі і інш.

Калектыў мае мноства ўзнагарод, у тым ліку і прэстыжных міжнародных конкурсаў.

У 2020-2021 гадах ён атрымаў Дыпломы лаўрэата I ступені VIII Міжнароднага музычна-мастацкага конкурсу «START. Шлях мастацтваў» у Санкт-Пецярбургу, лаўрэата II ступені II Адкрытага конкурсу-фестывалю вакальнага і інструментальнага мастацтва “Натхненне роднага краю”, удзельніка Міжнароднага харавога фестывалю ў горадзе Салонікі ў Грэцыі, Дыплом лаўрэата I і II ступеняў, а таксама спецыяльны дыплом за папулярызацыю беларускага харавога рэпертуару V Міжнароднага конкурсу-фестывалю дзіцячай творчасці “Lemari”, што праходзіў у Мінску, Дыплом лаўрэата II ступені IV Міжнароднага конкурсу мастацтваў “Art fest” і інш.

Як вакалістка сама Юлія Вітальеўна за гэты перыяд стала ўладальніцай Дыпломаў лаўрэата I ступені XXI Рэспубліканскага конкурсу польскай эстраднай песні “MALWY” і лаўрэата II ступені IV Адкрытага рэспубліканскага творчага фестывалю-конкурсу “Талісман поспеху”, Дыплома ўдзельніка I Рэспубліканскага творчага конкурсу “Вытокі”. У складзе добра вядомага народнага інструментальнага ансамбля “Ars Longa”, у які ўваходзяць педагогі Ракаўскай школы мастацтваў, шмат гастралюе па Беларусі і за яе межамі.

Анжэла РАДЫНА

Трыццаць два гады працуе ў Івянецкім музеі традыцыйнай культуры Валянціна АДАМОВІЧ. Да 2014 года яна была тут старшым навуковым супрацоўнікам, а пасля ўзначаліла ўстанову.

Настаўнік беларускай мовы і літаратуры па адукацыі ў пачатку 90-х гадоў арганічна ўлілася ў культурную сферу і знайшла сваё прызванне ў музейнай справе. Калі пачынала працаваць, практычна ўвесь калектыў стараўся асвоіць нейкія рамёствы: вучыліся ткаць, вышываць, ляпіць з гліны і інш. Валянціне Тадэвушаўне прыйшлася па душы лепка з гліны. Пазней на працягу 16 гадоў яна вяла на базе музея гурток гэтага напрамку ад цэнтра творчасці дзяцей і моладзі. Хлопчыкі і дзяўчынкі з задавальненнем яго наведвалі і вучыліся працаваць з такім блізкім для іх мясцовасці прыродным матэрыялам.

Як навуковы супрацоўнік Валянціна Адамовіч у свой час непасрэдна займалася стварэннем праграмы “Вяртанне да вытокаў”, дзякуючы якой у музеі з’явіліся майстэрні. Ужо тады было зразумела, што любому турысту вельмі важна мець магчымасць самому дакрануцца да творчасці. Уцягванне ў працэс вытворчасці вельмі выгадна вылучае Івянецкі музей з кагорты іншых. Таксама тут прадумваюць розныя цікавыя праграмы, у якія ўносяцца гульнявыя элементы, ідзе цеснае супрацоўніцтва з рознымі музыкантамі, Івянецкімі домам культуры і дзіцячай школай мастацтваў.

 На сённяшні дзень у падначаленні ў Валянціны Тадэвушаўны 11 чалавек. Кожны з іх апантаны сваёй працай і робіць усё, што ад яго залежыць. Майстры-метадысты не толькі дэманструюць наведвальнікам традыцыйныя рамёствы, але і самі стараюцца дазнацца і навучыцца нечаму новаму. Менавіта дзякуючы гэтым людзям музей працуе і развіваецца.

На балансе ўстановы знаходзяцца чатыры будынкі, дзе размяшчаюцца экспазіцыйныя залы, майстэрні, музей местачковага побыту. Каб на ўсё гэта толькі паглядзець, гадзіны дзве спатрэбіцца, а калі яшчэ ўключыцца ў вытворчы працэс, то можна тут затрымацца значна даўжэй.

За тры кварталы бягучага года 18 тысяч людзей паглядзелі музейныя экспанаты, паўдзельнічалі ў мерапрыемствах, пабывалі на выязных выставах.

Шыкоўныя фонды музея традыцыйнай культуры налічваюць больш за дваццаць тысяч прадметаў. Кожны год яны папаўняюцца недзе на чатырыста экзэмпляраў. Сярод іх не толькі рэчы, якія ўяўляюць сапраўдную гістарычную каштоўнасць, але і тыя, што характаразуюць сучасную эпоху. На сённяшні дзень ва ўстанове рэалізоўваецца праект аб знакамітых людзях Івянца. Ідзе збор інфармацыі аб былых кіраўніках устаноў і прадпрыемстваў, настаўніках, ветэранах Вялікай Айчыннай вайны. Родныя і блізкія перадаюць іх рэчы, якія пазней выкарыстоўваюцца для выстаў. Яны выклікаюць вялікую цікавасць у мясцовых жыхароў. Турысты, што прыязджаюць з іншых гарадоў, аддаюць перавагу агульным аглядным экскурсіям. Ім вельмі падабаецца ўклад жыцця невялікага мястэчка.

Валянціна Тадэвушаўна любіць і ганарыцца сваім музеем, дзе кожны наведвальнік можа пазнаёміцца з традыцыйнымі рамёствамі, гісторыяй і побытам, паглыбіцца ў мінулае і сучаснае Івянца. Атрыманыя веды выклікаюць жаданне захоўваць культуру і несці яе ў свае сем’і.

Анжэла РАДЫНА

2 кастрычніка 2021 на базу ДУК «Валожынскі раённы цэнтр культуры» была праведзена гульнёва-забаўляльная праграма «Мова беларуская»  для  навучэнцаў  ДУА «Сярэдняя школа №1 г.Воложина».