Воложинский районный
исполнительный комитет

Члены валанцёрскага атрада “Добрае сэрца” з СШ № 2 райцэнтра правялі дабрачынную акцыю “Цуды на Ражджаство” ў дзіцячым аддзяленні УАЗ “Валожынская цэнтральная раённая бальніца”.

Для валанцёраў, якія таксама з’яў-ляюцца членамі аб’яднання па інтарэсах “Вясёлка” цэнтра творчасці дзяцей і моладзі, стала добрай традыцыяй напярэдадні навагодніх свят наведваць хворых дзяцей, што знаходзяцца на лячэнні ў бальніцы. У той дзень у госці да рабят з прадстаўленнем “Як Злючак навучылі любіць Новы год” завіталі Раман Лінкевіч, Яўген Макей, Ульяна Смірнова, Іна Стасяловіч, Кірыл Загорскі, Хрысціна Сухалет і Надзея Стэльмаховіч. Шмат прыемных уражанняў атрымалі маленькія пацыенты ад сустрэчы з Дзядулем Марозам і Снягуркай: разам яны вадзілі карагоды і гулялі. 

Напрыканцы святочнай дзеі валанцёры ўручылі кожнаму ўласнаручна сабраны падарунак. З гэтай мэтай на працягу снежня ў школе праводзілася акцыя “Чырвоная рукавічка”: у фае навучальнай установы была пастаўлена вялікая скрыня, куды можна было пакласці канцылярскія тавары, сродкі гігіены, мяккія цацкі. У добрай справе прыняў удзел кожны клас – у выніку былі сабраны больш за 20 каробак, якія да свята таксама атрымалі дзеці-інваліды, што вучацца дома, і дзеці, што знаходзяцца ў сацыяльным прытулку.

Увогуле, на рахунку валанцёрскага атрада шмат добрых спраў. Школьнікі – частыя госці дзённага аддзялення для інвалідаў: выступаюць з канцэртнай праграмай да чырвоных дат календара. Пастаянна сочаць за парадкам на воінскіх пахаваннях і ля памятных мясцін: у прыватнасці, узялі “шэфства” над брацкай магілай на гарадскіх могілках, стэлай “Вызваленне”, што па вуліцы Шчарбіны ў райцэнтры, і помнікам “50 гадоў Вялікай Кастрычніцкай рэвалюцыі” ў мікрараёне Сельгастэхніка.

Валанцёрскі атрад “Добрае сэрца” быў арганізаваны ў 2007 годзе. У яго склад уваходзяць 15 школьнікаў з 4 па 11 класы. І хоць першыя члены ўжо даўно сталі дарослымі людзьмі, сваім нераўнадушшам, неабыякавасцю, жаданнем дапамагаць тым, хто ў гэтым мае патрэбу, яны перадалі эстафету дабра малодшаму пакаленню.

Алена ЗАЛЕСКАЯ

Фота прадастаўлена ЦТДіМ

Напярэдадні Новага года ў Цэнтры культуры прайшоў канцэрт Валожынскай дзіцячай школы мастацтваў. Такія сустрэчы з гледачамі сталі ўжо традыцыйнымі і носяць характар творчай справаздачы за першае паўгоддзе навучальнага года.

Выступленні навучэнцаў і педагогаў вышэйназванай установы даўно палюбіліся жыхарам райцэнтра, таму глядзельная зала заўсёды ледзь умяшчае жадаючых трапіць на мерапрыемства. Так было і ў гэты раз. Шчырымі апладысментамі прысутныя сустракалі кожны новы нумар.

Традыцыйна распачаў дзею ўзорны духавы аркестр пад кіраўніцтвам Уладзіміра Грука. Яго выступленні падымаюць настрой, заварожваюць прыгажосцю і дакладнасцю выканання. Калектывам ганарыцца не толькі школа мастацтваў, але і ўся Валожыншчына.

А далей прысутныя акунуліся ў чарадзейную казку. Папялушка з сёстрамі і мачыхай, фея і яе памочнік, Дзед Мароз і Снягурка, чароўнае люстэрка і прынц перыядычна з’яўляліся на сцэне, іх выхады лаканічна перамяжоўваліся з канцэртнымі нумарамі. Пачынаючыя артысты вельмі хваляваліся, асабліва тыя, хто ўпершыню стаяў на вялікай сцэне. Зразумела, што кожны з іх хацеў паказаць родным, блізкім і сябрам, якіх значных поспехаў дасягнуў за час навучання.

Юныя таленты на працягу амаль дзвюх гадзін радавалі гледачоў сваім майстэрствам. Канцэртная праграма была насычанай. Хлопчыкі і дзяўчынкі старанна ігралі на фартэпіяна, цымбалах, баяне, скрыпцы і іншых інструментах, натхнёна выконвалі песні і танцавалі. Як і заўсёды, шквал апладысментаў заслужылі саксафаністы Ягор Казлоў і Аляксей Пашкоўскі. На ўра прайшлі выступленні музычных ансамбляў. Шмат прыемных хвілін падаравалі прысутным таленавітыя спевакі. Не пакінулі нікога раўнадушнымі хоры малодшых і старэйшых навучэнцаў. Дружнымі апладысментамі сустрэлі танец самых маленькіх удзельніц. Заўзятымі атрымаліся нумары старэйшых дзяўчынак, якія прыгожымі, адточанымі рухамі надавалі адметнасць усяму канцэрту. Сваё выканальніцкае майстэрства прадэманстравалі і выкладчыкі, віртуозна сыграў дуэт баяніста Алега Каранеўскага і акардэаністкі Аксаны Зянько.

Стварыць неверагодную святочную атмасферу дапамаглі і гледачы, што горача падтрымлівалі юных зорачак апладысментамі і цёплымі словамі. Усе былі ў захапленні ад убачанага і пачутага на сцэне. Закончылася прыгожая падзея ў жыцці райцэнтра, а сэрцы прысутных яшчэ доўга поўніліся нястрымнай энергіяй і моцным зарадам пазітыву.

Анжэла РАДЫНА,

фота аўтара

Шмат гадоў пры храме Святых Роўнаапостальных цара Канстанціна і царыцы Алены ў Валожыне працуе Нядзельная школа. Ганна Іванаўна Косік выкладае Святое пісанне Старога і Новага запаветаў, праваслаўную культуру і этыку, такім чынам закладваючы асновы веры ў душы сваіх маленькіх выхаванцаў. Вельмі важна, што тут не проста набываюць пэўныя веды, але ў дзяцей ёсць магчымасць знайсці новых сяброў і атрымаць адказы на пытанні, якія хвалююць. Напярэдадні свята Нараджэння Хрыстова ў Нядзельнай школе ідзе інтэнсіўная падрыхтоўка да ўдзелу ў фестывалі праваслаўных песнапенняў “Калядная зорка”. Кожны год выступоўцы са сваімі пастаноўкамі наведваюць таксама дзіцячыя сады і школы раёна. Тэкст і фота Анжэлы РАДЫНА

У апошні працоўны дзень 2017 года надвор’е, быццам насміхаючыся, сыпанула дробным дожджыкам. Аднак тых, хто прыйшоў палюбавацца на шэсце Дзядоў Маразоў, гэта не спалохала. Пад навагоднія песні, якія гучалі каля галоўнай ёлкі, сабраўся даволі вялікі натоўп з дзяцей і дарослых. У 11.00 да яго далучыліся і галоўныя героі свята – Дзяды Маразы і Снягуркі...

Дзесяць казачных пар, прыбраных у традыцыйныя касцюмы, рызыкнулі прадставіць свае працоўныя калектывы і пазмагацца за сімпатыі публікі. Мажорны лад агульнага настрою забяспечыла выступленне артыстаў раённага Цэнтра культуры. Але хіба маглі яны канкурыраваць з зімовымі любімцамі дзетвары? Да таго ж у руках кожны Дзед Мароз трымаў вялікі мяшок з падарункамі! Самай першай пачаставацца салодкімі прысмакамі выпала трохгадовай Таісіі Мядзінскай. Як было абмінуць дзяўчынку, прыбраную ў строй Снягуркі? Атрымаў порцыю станоўчых эмоцый і цукерак маленькі Данік Іода, які ўпершыню ў жыцці трапіў на такое казачнае прадстаўленне. Ды і большыя дзеці ахвотна ішлі на кантакт: вадзілі карагоды, разгадвалі загадкі, чыталі вершы.

Не памылюся, калі скажу, што асабліва запомніцца шэсце Дзядоў Маразоў вучням Івянецкай СШ. У той дзень яны прыехалі ў райцэнтр, каб наведаць дзіцяча-юнацкую спартыўную школу і пакупацца ў басейне. Візітам школьнікі засталіся цалкам задаволеныя, а тут яшчэ адзін сюрпрыз чакаў іх каля ёлкі. Некаторыя рашылі ў барацьбу за цукеркі не ўключацца, а частаваліся салодкім папкорнам – ён прадаваўся непадалёк і прывабліваў пакупнікоў непаўторным водарам.

Шмат знайшлося ахвотнікаў “злавіць” цікавыя імгненні аб’ектывам фотаапаратаў. Усе Дзяды Маразы і Снягуркі актыўна пазіравалі і фатаграфаваліся на фоне ёлкі з хлопчыкамі і дзяўчынкамі. Святочнае мерапрыемства не ставіла задачу выбраць лепшых. Але, мяркуючы па размовах, рэйтынг глядацкіх пераваг па праве мог бы ўзначаліць вайсковы Дзед Мароз і яго світа. Салдаты, пераапранутыя ў скамарохаў, па-заліхвацку танцавалі, выконвалі прыпеўкі. 

Шэсце Дзядоў Маразоў – выдатнае шоу. З лёгкасцю раздзяліла б пераможцаў па намінацыях: самы каларытны, самы малады, самы шчодры, самы вясёлы. Хочацца шчыра падзякаваць лясгасу, райбыткамбінату, райаграпрамтэхніцы, медыкам, ільнокамбінату, сацыяльным і банкаўскім работнікам, паштавікам, санстанцыі – усім тым арганізацыям і прадпрыемствам, якія не праігнаравалі мерапрыемства, падарылі святочны настрой землякам і ў чарговы раз пацвердзілі: зімовы Дзед не траціць аўтарытэт!

Тэкст і фота Алены ЗБІРЭНКА

Людміла Аляксандраўна ЛАБОЦКАЯ з 2012 года працуе начальнікам аддзялення паштовай сувязі “Сівіца”. Яна прыкіпела душой да сваёй справы, кожную раніцу з вялікай ахвотай спяшаецца на працу, другога занятку для сябе нават не ўяўляе. Вясковыя ж людзі паважаюць яе і з задавальненнем заходзяць не толькі па справах, а, бывае, і проста пагутарыць.

Адказны, добрасумленны, ініцыятыўны работнік добра спраўляецца са сваімі абавязкамі. У зоне абслугоўвання аддзялення тры населеныя пункты – вёскі Вуглы, Пагарэлка і Сівіца. 160 чалавек з тых, хто тут пражывае, атрымліваюць пенсію, якую трэба кожнаму з іх даставіць у тэрмін. З нецярпеннем чакаюць вяскоўцы і перыядычных выданняў, карэспандэнцыі. У падначаленні Людмілы Аляксандраўны адзін паштальён.

Аддзяленне ідзе ў нагу з часам. Тут прымаюцца ўсе віды плацяжоў, прадаюцца прадукты харчавання, прамысловыя тавары, у тым ліку канцылярскія, рытуальныя. Прывабныя цэны прыцягваюць пакупнікоў. Многія самі наведваюць паштовае аддзяленне, іншым тавары на дом дастаўляе паштальён. Перад Новым годам добрым попытам карыстаюцца елачныя і іншыя ўпрыгажэнні да свята. Л. А. Лабоцкая ўмее правільна зрабіць выкладку тавару, прапанаваць неабходныя ў гаспадарцы рэчы, таму выкананне плана па продажы заўсёды забяспечвае.

АПС “Сівіца” адно з першых спраўляецца з усімі даведзенымі заданнямі. Падпісныя кампаніі праходзяць актыўна і зладжана. За апошні квартал мінулага года падпіску выканалі больш чым на 125%. Не падводзяць тут і з продажам газет і часопісаў у розніцу.

Спраўна ажыццяўляецца ў аддзяленні дастаўка тавараў праз “ГіперМол”. Дарэчы, першых арганізаваных кліентаў у Валожынскім раёне заахвоціла зрабіць пакупкі праз гэту службу дастаўкі менавіта Людміла Аляксандраўна. Знайшлося шмат прыхільнікаў і ў інтэрнэт-магазіна РУП “Белпошта”. Асаблівую актыўнасць жыхары зоны абслугоўвання сталі праяўляць з кастрычніка. Заказы самыя розныя: ад невялікіх сувеніраў да электратавараў і нават буйнагабарытных рэчаў.

Ужо на пачатак снежня ў аддзяленні быў выкананы план па колькасці жадаючых скарыстацца паслугай “Падарунак ад Дзеда Мароза”, знайшліся і ахвотнікі, каб іх дзеці атрымалі “Пісьмо ад Дзеда Мароза”.

Анжэла РАДЫНА,

фота аўтара

Ала Віктараўна РУСІНОВІЧ – адна з самых вопытных сацыяльных работнікаў раёна. Больш за 15 гадоў яна прысвяціла працы ў тэрытарыяльным цэнтры сацыяльнага абслугоўвання насельніцтва. Напярэдадні прафесійнага свята за выдатныя паказчыкі, мноства станоўчых водгукаў адданы прафесіянал адзначана Ганаровай граматай Мінаблвыканкама.

Пачала свой працоўны шлях А. В. Русіновіч вучаніцай повара ў Вішнеўскай сталовай. Кулінарная справа вабіла яшчэ са школьных гадоў. Аднак маці не адпусціла дзяўчыну ў вялікі горад, таму навука праходзіла без адрыву ад вытворчасці. Трошкі пазней асвоіла прафесію прадаўца. Калі аднойчы прапанавалі на час адпачынку замяніць знаёмую сацработніцу, згадзілася. Цікава было асвоіць штосьці новае. Спроба аказалася ўдалай. Яна заўсёды знаходзіла ўзаемаразуменне з людзьмі пажылога ўзросту, таму даволі хутка прывыкла да цесных стасункаў з імі. Самі абавязкі тым больш не палохалі. Прыбраць у хаце, прынесці вады, дроў, купіць лекі і прадукты… Што тут складанага? Яна з лёгкасцю робіць некалькі спраў адначасова і ніколі не скардзіцца на стому.

Звычайна людзі ў гадах любяць пагаварыць, а Ала Віктараўна гатова ўдзяліць увагу кожнаму. Зразумела, што ўтульна ўладкавацца на канапе і за чаем бавіць час яна не можа. Гутарка – толькі за працай. Адзінокія бабулі і дзядулі рады любой увазе з яе боку, хаця кожны з іх хацеў бы затрымаць прыемную субяседніцу на працяглы час. Ды нельга: у жанчыны вялікая нагрузка – 11 пажылых людзей з Цімкавічаў, Нарэйшаў, Гардынава і Валожына з нецярпеннем чакаюць прыходу сваёй Алы. Яна даглядала хворую матулю, якая не ўставала з пасцелі тры гады. Таму з лёгкасцю аказвае любую дапамогу і больш-менш здаровым, і інвалідам. І не толькі практычнай дапамогі чакаюць яны ад чулай, прыемнай сацработніцы. Ім патрэбны разуменне і цяпло.  

Сацыяльныя работнікі працуюць згодна з графікам. Маецца таксама пералік відаў паслуг. Толькі жанчына, што мае шчодрую душу, ніколі не адкажа ў просьбе зрабіць штосьці па-за рамкамі абавязкаў. Нават мужа, Юрыя Георгіевіча, калі-нікалі просіць на ўласным аўтамабілі дапамагчы арганізаваць нечарговы візіт да кагосьці са сваіх падапечных. На шчасце, спадарожнік жыцця мае такое ж чулае сэрца, як і жонка. У цэлым жа перамяшчаецца яна на веласіпедзе. У зімовы час даводзіцца карыстацца грамадскім транспартам. Няпроста, але прывыкла. Магчыма, дзякуючы тым кіламетрам, якія штодзённа пераадольвае, яна такая спрытная, з выдатнай постаццю. Работу любіць, як дачка, шкадуе ўсіх, каму за гады працы стала сваёй. Самым галоўным абавязкам лічыць не проста выслухаць чалавека, а па-сапраўднаму пачуць…

Валянціна КРАЎНЕВІЧ,

фота аўтара

Сразу после Нового года Александр Лукашенко присудил премию «За духовное возрождение», которая вручается на православное Рождество. По итогам 2017 года присуждены пять премий. Ими отмечены трудовые коллективы и представители религиозных объединений за активную деятельность в гуманитарной сфере.

Среди лауреатов также протоиерей Виктор Перегудов, настоятель прихода храма преподобной Евфросинии Полоцкой в городском поселке Ивенец Воложинского района Минской области, за заслуги по организации социальной помощи детям-инвалидам и другим категориям граждан.

Отцу Виктору 60 лет, он родом из Воложина. Служит священником уже более 20 лет. По первому образованию — художник. Это сказалось на его дальнейшей деятельности: уже дважды в Ивенце он организовывал с Союзом художников пленэр «Святость земли белорусской».

В Ивенце отец Перегудов построил церковь в честь Евфросинии Полоцкой, а также криптовую церковь в честь святого Мины, епископа Полоцкого. Создал дом милосердия «Виктория» в деревне Пряльники, где заботится о детях-инвалидах Ивенецкого дома-интерната.

 Сегодня свой профессиональный праздник  отмечают  социальные работники, люди, у которых милосердие и доброта на первом месте, которые всем   могут подать пример человеколюбия и сострадания.  

Дорогие работники социальной защиты! Сегодня, в Ваш профессиональный праздник, мы от чистого сердца хотим поблагодарить Вас за Ваш самоотверженный труд. Спасибо Вам за то, что сердце Ваше всегда открыто людям.

  Вы посвятили себя очень важному и нужному делу - работе с людьми, которым необходима помощь и поддержка. Благодаря Вашей доброте и отзывчивости, чуткости и терпению ветераны, инвалиды, многодетные семьи и все те, кто оказался в непростой жизненной ситуации, преодолевают трудности и обретают веру в собственные силы.
               Пускай Ваше трудолюбие, душевное тепло и дальше служат людям и помогают преодолевать жизненные трудности, придавая веры и уверенности в завтрашнем дне.

 Пусть  судьба дарует Вам за Вашу доброту счастливую семейную жизнь, большую любовь, крепкое здоровье, много-много хороших, светлых лет! Благополучия Вам и всем Вашим близким!

Пусть все то добро, которое Вы несете в себе, вернется Вам во сто крат, пусть судьба оберегает Вас и Ваших близких так же, как Вы оберегаете нуждающихся в помощи  людей.   Пусть  доброта вернется к Вам преумноженная самой Судьбой.  С праздником!

Воложинская районная организация РОО «Белая Русь»

На торжественном собрании работников социальной защиты поздравил заместитель председателя Воложинского районного исполнительного комитета Петр  Иосифович Бибик.

От Воложинской районной организации РОО «Белая Русь» всех присутствующих поздравил Глинский Сергей Францевич и вручил  ценные подарки активистам объединения, работающим в  соцобеспечении.

21 декабря в Городьковском филиале ГУО " Воложинская детская школа искусств" состоялся Новогодний концерт, в котором приняли участие педагоги и ученики школы. В программе выступления были не только сольные и ансамблевые вокальные номера, но и театрализованное представление с Цыганкой, которая провела со зрителями забавную игру " Новогодние предсказания". Детский хореографический коллектив школы дополнил танцевальным номером выход Цыганки, которую сыграла учитель Татун И.Б. В концерте не обошлось без появления Деда Мороза и Снегурочки. Они разыграли со зрителями беспроигрышную лотерею, водили хоровод и играли в весёлые новогодние игры.Активное участие в постановке номеров приняли учащиеся класса хореографии и солисты детского хора.

Форма заявления потенциального инвестора