У рамках рэспубліканскай пажарна-прафілактычнай акцыі "За бяспеку разам" работнікі Валожынскага раённага аддзела па надзвычайных сітуацыях сумесна з прадстаўнікамі іншых суб'ектаў прафілактыкі працягваюць праводзіць прафілактычную работу ў жылым сектары.
Галоўная мэта працы суб'ектаў прафілактыкі – папярэджанне ўзнікнення пажараў у жылым фондзе і гібелі людзей ад іх.
Акцэнт зроблены на абследаванні супрацьпажарнага стану домаўладанняў катэгаруемых грамадзян, правядзенні з імі інструктыўна-растлумачальнай работы па выкананні правілаў пажарнай бяспекі.
Пры наведванні домаўладанняў асаблівая ўвага ўдзелена ўмовам пражывання грамадзян, стану пажарнай бяспекі ацяпляльных прыбораў, электрычнай праводкі, наяўнасці і спраўнасці аўтаномных пажарных апавяшчальнікаў. Таксама работнікі МНС праводзілі гутаркі з насельніцтвам аб неабходнасці захавання правілаў пажарнай бяспекі, бо галоўная задача ратавальнікаў – зберагчы жыллё ад пажараў і зрабіць яго бяспечным.
– Каб не дапусціць узнікнення надзвычайнай сітуацыі неабходна выконваць наступныя правілы пажарнай бяспекі: не паліце ў ложку; выконвайце правілы эксплуатацыі печаў, а таксама правілы карыстання газавымі прыборамі; сочыце за станам электраправодкі і не пакідайце без нагляду электрычныя прыборы. Кантралюйце, каб запалкі не патрапілі ў рукі маленькім дзецям, – заклікалі домаўладальнікаў ратавальнікі.
Акрамя гутаркі і напамінкаў аб захаванні правіл пажарнай бяспекі, спецыялісты ўручалі кожнаму домаўладальніку наглядна-выяўленчую прадукцыю з карыснай інфармацыяй ад МНС.
