Адрес:

222357, г. Воложин, пл. Свободы, 2

Телефон приемной:

+375 (1772) 5-55-72

Режим работы:

с 8.30 до 13.00 и с 14.00 до 17.30 по будням

горячая линия: +375 (1772) 5-55-72

Народнае літаратаратурна-мастацкае аб’яднанне «Рунь» ДУК «Валожынскі раённы Цэнтр культуры»

Літаратурна-мастацкае аб’яднанне «Рунь» створана на базе Валожынскага раённага Дома культуры ў 1994 годзе, у 1997 аб’яднанню было прысвоена званне «народнае». Вывучэнне, шанаванне і прапаганда літаратурнай спадчыны, садзейнічанне развіццю творчых здольнасцей удзельнікаў, адкрыццё новых талентаў, знаёмства з цікавымі людзьмі, як землякамі, так і вядомымі беларускімі літаратарамі - такія задачы ставіць перад сабой народнае літаратурна-мастацкае аб’яднанне «Рунь».

У склад аб’яднання ўваходзяць школьнікі і дарослыя творцы, якія валодаюць талентам літаратурнага слова, шануюць і паважаюць родную мову. З кожным годам адшукваюцца новыя таленты, прадаўжаюцца слаўныя традыцыі Вінцэнта Дуніна-Марцінкевіча, Канстанцыі Буйло, Пятра Біталя, Хведара Чэрні, Віктара Шніпа, Вячаслава Рагойшы і іншых знакамітых творцаў Валожыншчыны.

Сярод традыцыйных форм работы аб’яднання: вечары-партрэты, вечары-ўшанаванні, літаратурныя гасцёўні, прэзентацыі кніг, літаратурныя святы, экскурсіі і г.д. З канцэртнай праграмай, складзенай з твораў удзельнікаў «Руні», удзельнікі гэтай творчай суполкі выступаюць як на раённая сцэне, так і ў суседніх раёнах.

Удзельнікі аб’яднання прымаюць актыўны ўдзел ва ўсіх мерапрыемствах горада і раёна, друкуюць свае творы на старонках раённай газеты «Працоўная слава», у «Мінскай Праўдзе», штотыднёвіку «Літаратура і мастацтва» і г.д. На рахунку народнага літаратурна-мастацкага аб’яднання «Рунь» калектыўныя зборнікі і шмат асабістых кніг паэзіі рунеўцаў.

З 2004 года народным літаратурна-мастацкім аб’яднаннем “Рунь” кіравала член Саюза пісьменнікаў Рэспублікі Беларусь Валянціна Францаўна Гіруць-Русакевіч.

Дзякуючы яе намаганням, у 1996 годзе ў серыі “Бібліятэка часопіса “Маладосць” пад рэдакцыяй намесніка галоўнага рэдактара і адказнага сакратара часопіса Алеся Камароўскага выйшла першая кніжка пад назвай “Я адкрываю вам душу”. У 1997 годзе літаратурнаму аб’яднанню “Рунь” было прысвоена званне “народнае”. У наступным годзе Валянціну Францаўну прынялі ў Саюз пісьменнікаў Беларусі. У 1999 годзе у выдавецтве “Беларускі кнігазбор” выйшла другая кніга “Пад зоркаю лёсу”. У 2005 – калектыўная радасць: у выдавецтве “Чатыры чвэрці” пабачыў свет зборнік паэтаў Валожыншчыны “Зямлі маёй і землякам”. У 2008 годзе выйшаў у выдавецтве “Мастацкая літаратура” яшчэ адзін аўтарскі паэтычны зборнік “Мовай сэрца”, у 2011 і 2013 гадах – зборнікі твораў для дзяцей “Каляровыя вятры”, “А ці ведаеце вы?”. У 2011 годзе “нарадзіўся” зборнік песень кампазітара Уладзіміра Гаркушы на словы Валянціны Груць-Русакевіч, а ў 2018 годзе – кніга “На нітцы часу”. У кожным надрукаваным радку маленькая радасць, падзея, пражытыя імгненні, узнёслыя пачуцці.

У 2016 годзе стала пераможцай у намінацыі “За ўклад у развіццё духоўнасці і культуры” VIII Рэспубліканскага конкурсу “Жанчына года - 2015”.

У 2018, акрамя атрыманай радасці ад выхаду новай кнігі, яна была прызнана лепшым работнікам культуры Валожыншчыны і занесена на раённую Дошку гонару, атрымала Падзяку страшыні Мінскага абласнога выканаўчанга камітэта. У кастрычніку 2018 года за шматгадовую плённую працу, высокі прафесіяналізм, значны асабісты ўклад у развіццё беларускай культуры была ўзнагароджана Ганаровай граматай Савета міністраў Рэспублікі Беларусь, а па хадайніцтве Мінскага абласнога аддзялення СПБ атрымала Падзяку міністра інфармацыі Рэспублікі Беларусь.

Немагчыма ацаніць спадчыну, якую пакінуў гэты светлы чалавек!

У студзені 2021 года патухла свечка жыцця Валянціны Францаўны Гіруць-Русакевіч.

З 22 красавіка 2021 года кіраўніком народнага літаратурна-мастацкага аб’яднання “Рунь” стала Наталля Фадзееўна Жылевіч.

Кіраўнік аб’яднання:

16 07 2021 20

Жылевіч Наталля Фадзееўна

Последнее изменение 21.07.2021