Валожынскі раённы
выканаўчы камітэт

Імкліва  бягуць гады. Але колькі б часу ні прайшло, заўсёды будзе жыць у памяці людзей Янка Купала – выдатны народны паэт, без якога немагчыма ўявіць беларускую літаратуру.

У Валожынскай дзіцячай бібліятэцы прайшла літаратурная гасцеўня “Купалаўскі радок”. Мерапрыемства было прысвечана жыццю і творчасці Янкі Купалы. Бібліятэкары распавялі пра жыццёвы шлях паэта, які ўсю моц свайго таленту аддаў беларускаму народу. Прысутныя пазнаёміліся з падрыхтаванай кніжнай выставай “З Купалам у сэрцы” і паглядзелі фрагмент мастацкага фільма “Купала” кінастудыі “Беларусьфільм”.  У мерапрыемстве актыўна ўдзельнічалі вучні СШ№1, якія  чыталі вершы песняра.

Сёння выдатны сонечны дзень, ва ўсіх выдатны настрой. У спартыўна-аздараўленчым лагеры «Астравок здароўя» энергічна правялі зарадку, вучэбна-трэніровачныя заняткі, бо мы за здаровы лад жыцця!

Далей адправіліся ў госці ў ДУА «Сярэдняя школа № 2 г.Валожына», дзе азнаёміліся са школьным музеем, які існуе ў школе з 1981 года. У музеі тры залы:

першая зала прысвечана гісторыі мястэчка Валожын канца XIX пачатку XX стагоддзя;
другая зала прысвечана гісторыі Другой сусветнай вайны на тэрыторыі нашага раёна;
трэцяя зала пра гісторыю школы, яе настаўніках. Музей налічвае больш за 500 экспанатаў, фатаграфій і дакументаў.

А пасля смачнага абеду спартсменкі-навучэнцы наведалі ДУА «Цэнтр творчасці дзяцей і моладзі Валожынскага раёна», дзе разам з педагогам дадатковай адукацыі майстравалі вырабы «Антыстрэс», а таксама пагулялі ў гульню «Адгадай мелодыю».

Восьмы дзень лагера прайшоў насычана! Кожны ўсміхаўся і сыходзіў з добрым настроем з лагера, чакаючы новы дзень і новае падарожжа

dushvol.by

05.07.2023 года хлопцы з аздараўленчага лагера з дзённым знаходжаннем ДУ «Дзіцяча-юнацкая спартыўная школа Валожынскага раёна» наведалі Цэнтр творчасці. Для іх былі прапанаваны майстар-класы па вырабе цацак: «Вясёлая круцёлка», «Залатая рыбка». Дзеці з задавальненнем майстравалі з паперы і кардона арыгінальныя сувеніры.

З вялікай цікавасцю выхаванцы лагера паўдзельнічалі ў конкурснай праграме «Адгадай мелодыю».

Масу станоўчых эмоцый і добры настрой яны панеслі з сабой.

ctdim.volozhin-edu.gov.by

5 ліпеня бібліятэкар Суднікоўскай сельскай бібліятэкі правяла ў аздараўленчым летнім лагеры «Непаседы» мерапрыемства «Беражыце рукі, ногі, не свавольце на дарозе!». Бібліятэкар расказала дзецям, якія бываюць транспартныя сродкі перамяшчэння. Дзеці паўтарылі, што азначаюць чырвоны, жоўты, зялёны колеры святлафора.

З увагай дзеці паслухалі аб дарожных знаках «Пешаходны пераход», «Скрыжаванне», «Тэлефон» і іншых. У працэсе мерапрыемства хлопцы ўспомнілі любімых казачных персанажаў і іх сродкі перамяшчэння.

У заключэнні сустрэчы была праведзена віктарына, у якой дзеці адказамі на пытанні яшчэ раз замацавалі правілы дарожнага руху.

Вызваленне ад працы пры дыспансерызацыі з'яўляецца дадатковай сацыяльнай гарантыяй для работніка.

Закон аб змяненні законаў па пытаннях працоўных адносін падпісаны 29 чэрвеня, ён ужо афіцыйна апублікаваны і ўступіць у сілу з 1 студзеня 2024 года. У цэлым змены закранаюць Працоўны кодэкс і закон аб індывідуальным персаніфікаваным уліку ў сістэме дзяржаўнага сацыяльнага страхавання. «Калі казаць пра найбольш важныя навацыi, то першае пытанне - гэта дыспансерызацыя. У краіне дастаткова вялікая ўвага надаецца здароўю насельніцтва, пра гэта неаднаразова гаварыў Кіраўнік дзяржавы. Летась у Пасланні беларускаму народу Кіраўнік дзяржавы сказаў, што неабходна стварыць адпаведныя ўмовы, каб работнікі маглі праходзіць абследаванні свайго здароўя. Для гэтага неабходна забяспечыць свабодныя ад працы дні. Гэта даручэнне было рэалізавана. Цяпер у Працоўным кодэксе з'яўляецца новы артыкул, які кажа аб вызваленні работнікаў пры дыспансерызацыі», - распавёў намеснік Міністра працы і сацыяльнай абароны Ігар Старавойтаў.

Як работнік будзе вызваляцца ад працы? Усё залежыць ад яго ўзросту. «Чым работнік старэйшы, тым рызыка захворванняў вышэйшая, таму людзі, якім да 40 гадоў, будуць вызваляцца ад працы раз на тры гады на адзін дзень з захаваннем сярэдняга заробку. Работнікам, якім больш за 40 гадоў, але яны не дасягнулі пенсійнага ўзросту, будзе штогод давацца 1 дзень з захаваннем сярэдняга заробку. Работнікі-пенсіянеры будуць атрымліваць два дні штогод. Хачу звярнуць увагу на тое, што мы не ствараем сістэму дыспансерызацыі, гэтым пытаннем займаецца Міністэрства аховы здароўя па дакументах сваёй сістэмы, гэтая праца праводзіцца ўжо ў краіне. Мы ж у Працоўным кодэксе даем работнікам права вызвалення ад працы з захаваннем сярэдняга заробку. Гэта важна, гэта будзе спрыяць таму, каб людзі ўсё ж такі думалі пра сваё здароўе і праходзілі дыспансерызацыю. Мы разглядаем такую магчымасць як дадатковую сацыяльную гарантыю», - адзначыў намеснік міністра.

Што тычыцца навацый у Працоўным кодэксе, то змены зведалі больш за 80 артыкулаў, з'явілася 4 новых артыкула. «Усе змены дзеляцца на некалькі кірункаў, і перш за ўсё гэта ўзмацненне сацыяльных гарантый работнікаў, пашырэнне магчымасцяў прымянення інфармацыйных тэхналогій у сістэме працоўных адносін, карэкціроўка нормаў ПК па пытаннях працоўнага часу і працоўных адпачынкаў, уключаючы адпачынкі, звязаныя з навучаннем, а таксама іншыя пытанні, якія ўзніклі з улікам практыкі прымянення», – дадаў Ігар Старавойтаў.

Крыніца: Нацыянальны прававы інтэрнэт-партал Рэспублікі Беларусь

valozhin.by

У гістарычнае падарожжа «Мой чароўны беларускі край» да Дня Незалежнасці Рэспублікі Беларусь запрасіла дзяцей Сівіцкая сельская бібліятэка. Удзельнікі даведаліся шмат новага і цікавага пра мінулае і сучаснасць Беларусі, пазнаёміліся з нацыянальнымі традыцыямі і звычаямі, адказвалі на пытанні віктарыны «Падарожжа па Беларусі».

Аб новых падыходах у пытанні размеркавання абавязкаў па афармленні спадчынных правоў на тэрыторыі Мінскай вобласці расказвае старшыня Мінскай абласной натарыяльнай палаты Алена Грынкевіч.

З 4 ліпеня 2023 года ў Мінскай абласной натарыяльнай акрузе змяніўся парадак звароту па афармленне спадчынных правоў.

Загадам галоўнага ўпраўлення юстыцыі Мінскага абласнога выканаўчага камітэта паміж натарыусамі, якія ажыццяўляюць натарыяльную дзейнасць у Мінскай абласной натарыяльнай акрузе, размеркаваны абавязкі па афармленні спадчынных правоў з улікам прынцыпу «Спадчына без межаў».

З указанай даты спадчыннікі грамадзян, месца адкрыцця спадчыны пасля якіх знаходзіцца на тэрыторыі раёна або горада ў Мінскай вобласці, у якім функцыянуюць некалькі натарыяльных кантор і бюро, змогуць звярнуцца ў любое з іх. Напрыклад, на тэрыторыі Мінскага раёна працуюць 8 натарыяльных кантор і адно натарыяльнае бюро. Калі раней спадчыннікі для афармлення спадчынных правоў павінны былі звяртацца ў строга пэўную натарыяльную кантору, то цяпер яны маюць магчымасць звярнуцца ў любую з натарыяльных кантор і бюро Мінскага раёна на свой выбар. Такую ж магчымасць атрымалі і спадчыннікі, якія хочуць адкрыць спадчынную справу пасля грамадзян, якія пражывалі на тэрыторыях Валожынскага, Дзяржынскага, Маладзечанскага, Нясвіжскага, Пухавіцкага, Салігорскага, Чэрвеньскага раёнаў і горада Жодзіна.

Як паказвае практыка іншых рэгіёнаў Беларусі, афармленне спадчынных правоў з улікам прынцыпу «Спадчына без межаў» запатрабавана. Спадзяемся, што грамадзяне дадуць станоўчую ацэнку зручнай магчымасці звярнуцца з названым пытаннем да натарыуса па свайму выбару.

Інфармацыю аб адкрытых спадчынных справах, а таксама аб натарыусе, які вядзе спадчынную справу, можна ўдакладніць на сайце Беларускай натарыяльнай палаты ў раздзеле «Пошук адкрытай спадчыннай справы».

Па паведамленні афіцыйнага сайта Беларускай натарыяльнай палаты
Крыніца: pravo.by

valozhin.by

У студзені-маі 2023 года ў Валожынскім раёне выкарыстана 44,9 млн. рублёў інвестыцый у асноўны капітал, або ў супастаўных цэнах 116,7% да ўзроўню адпаведнага перыяду мінулага года.

Будаўніча-мантажныя работы выкананы на 27,2 млн. рублёў, або ў супастаўных цэнах на 29,8% больш у параўнанні са студзенем-маем 2022 года. Удзельная вага будаўніча-мантажных работ склала 60,6% агульнага аб'ёму інвестыцый у асноўны капітал.

За студзень-май 2023 года на набыццё машын, абсталявання, транспартных сродкаў накіравана 5,7 млн.рублёў інвестыцый у асноўны капітал або 12,8% агульнага аб'ёму інвестыцый.

Аб'ём сродкаў, укладзеных у жыллёвае будаўніцтва, склаў 18,2 млн.рублёў, або 40,6% агульнага аб'ёму інвестыцый у асноўны капітал. За студзень-май 2023 года ў раёне ўведзена ў эксплуатацыю 11022 квадратныя метры агульнай плошчы жылля, што на 18% менш, чым за адпаведны перыяд папярэдняга года.

Аддзел статыстыкі Валожынскага раёна

Галоўнага статыстычнага ўпраўлення Мінскай вобласці

valozhin.by

Духоўнае выхаванне дзяцей і моладзі, вывучэнне матэрыялаў духоўнай спадчыны - галоўныя мэты, якія ўвасобіліся ў Івянецкай гарпасялковай бібліятэцы. 5 ліпеня для студэнтаў Беларускага дзяржаўнага ўніверсітэта (гістарычны факультэт) Івянецкая гарпасялковая бібліятэка правяла пазнавальнай-этнаграфічнае падарожжа "Дарога да храма". Бібліятэкар  Солтан І.А. пазнаёміў студэнтаў з гісторыяй хрысціянскіх храмаў Івянца.

ААТ "Барысаўдрэў" - адно з буйнейшых дрэваапрацоўчых прадпрыемстваў Беларусі, дзе працуюць больш за 800 чалавек. Прадукцыя прадпрыемства па якасці адпавядае сусветным стандартам і пастаўляецца ў дзясятак краін, уключаючы Азербайджан, Арменію, Іран, Расію і Узбекістан. ААТ "Барысаўдрэў" таксама з'яўляецца адзіным прадпрыемствам у Беларусі, што вырабляе запалкі, якое паспела правесці мадэрнізацыю і купіць адзін з лепшых станкоў у свеце - шостага пакалення. Сёння вытворчасць запалак у Барысаве поўнасцю закрывае патрэбнасці ўнутры Беларусі. Акрамя таго, амаль 35-40% сродкаў для распальвання адпраўляецца ў Расію.