Воложинский районный
исполнительный комитет

Валожынскі лясгас запрашае ўсіх неабыякавых да прыроды прыняць удзел у добраахвотнай акцыі “Чысты лес”, якую праводзіць Міністэрства лясной гаспадаркі як грамадскае мерапрыемства, што садзейнічае навядзенню парадку ў лясным фондзе, добраўпарадкаванню лясоў, прыцягненню ўвагі грамадскасці да неабходнасці беражлівых адносін да лясоў Беларусі.

Акцыя пройдзе 9 кастрычніка ў кожным з лясніцтваў лясгаса. Будуць праводзіцца работы па ачыстцы лясоў, добраўпарадкаванні ляснога фонду, пасадцы і дапаўненні лясных культур. Валожынскі лясгас забяспечыць удзельнікаў акцыі неабходным інвентаром і пасадачным матэрыялам.
Пры немагчымасці прыняць удзел у акцыі 9 кастрычніка лясгас прыме ўдзельнікаў у любы іншы зручны час па ўзгадненні.

Для ўдзелу ў акцыі просьба звяртацца ў Валожынскі лясгас па тэлефоне 48985 ці ў бліжэйшае лясніцтва.

План проведения мониторингов на октябрь 2021 г

Таццяна ЦІГАНІНА.

На мінулым тыдні былі падведзены вынікі раённага этапу конкурсу “Ветэранскі падворак”, які па традыцыі праходзіць пад эгідай Савета ветэранаў.

Мерапрыемства адбылося на базе аддзяленняў дзённага наведвання ТЦСАН у фармаце круглага стала. Удзельнікаў таварыскага спаборніцтва і службовых асоб, што падтрымалі карыснае і цікавае пачынанне, вітала старшыня раённай ветэранскай арганізацыі Таццяна Ціганіна. Яна прадставіла ўдзельнікаў сустрэчы, коратка расказала пра канкурсантаў, чые творчыя праекты, рэалізаваныя на ўласных падворках, прыцягнулі ўвагу грамадскасці і сталі асновай для стварэння фота- і відэаролікаў.

Віктар і Раіса МЕНЦЮКІ.

Прысутныя з захапленнем прагледзелі матэрыялы, што ў пэўнай ступені раскрываюць унутраны свет самых няўрымслівых і бязмежна працавітых людзей Валожыншчыны. Шчырыя апладысменты гучалі ў гонар Галіны і Аляксея Сасноўскіх з Пугачоў, Ірыны Лоўчай з Сівіцы, Любові Каткевіч з Івянца, Марыі Астаповіч з Кібуцяў, Ніны і Івана Марзакоў з Лістападаў, Алены Калеснікавай з Вішнева, Алы Сіваковай з Суднікаў, Валерыя Селівона з Сугваздаў, Раісы і Віктара Менцюкоў з Выганічаў. Завяршыўся прагляд сюжэтам пра жыхарку Валожына Дануту Сцефаноўскую, якая на сцяне ўласнага дома ўсталявала скульптуру Маці Божай – як сімвал высокай духоўнасці і непадробнага адзінства жыхароў Валожынскай зямлі. Вынік конкурсу наступны: на вобласці раён прадставіць М. М. Астаповіч.

Асобным пунктам былі разгледжаны матэрыялы, што прадстаўляюць конкурсную намінацыю “Добраўпарадкаванне ферм”, знятыя на малочнатаварным комплексе “Даўбені”, кіруе якой таленавіты арганізатар і вялікая працаўніца Раіса Навіцкая.

Данута СЦЕФАНОЎСКАЯ.

Удзельнікаў круглага стала вітала начальнік аддзела ідэалагічнай работы, культуры і па справах моладзі Ірына Жданюк. Ірына Леанідаўна закцэнтавала ўвагу прысутных на бязмежнай любові да працы і крэатыўным мысленні людзей, што сталі ўдзельнікамі конкурсу. З яе вуснаў прагучала шчырая падзяка Т. Ф. Ціганінай, якая, нягледзячы на абмежаванні ў часе, здолела заахвоціць творчым праектам самых актыўных членаў ветэранскай суполкі. Да віншаванняў далучылася і старшыня раённага аб’яднання прафсаюзаў Вераніка Загорская. Вераніка Віктараўна прадаставіла падарункі для герояў дня, а Таццяна Фёдараўна ўручыла кожнаму з іх дыпломы. Словы падзякі прагучалі і ў адрас старшынь пярвічных арганізацый. Менавіта такія людзі, як Уладзімір Вашкевіч (Ракаў), Данута Сцефаноўская (РКБА), Данута Граноўская (маслазавод), Тамара Бібік (РАПТ), Вячаслаў Косік (Валожын) і іншыя іх калегі па грамадскай арганізацыі, дапамагаюць старшыні раённага савета трымаць пастаянную сувязь з людзьмі ў населеных пунктах і працоўных калектывах.

Літаратурную старонку падчас сустрэчы арганізавала ўраджэнка вёскі Дубіна, удзельніца літаратурнага аб’яднання “Рунь” Марыя Мучынская з Мінска, а ўздым эмацыянальнасці ўзялі на сябе вакальная група хору “Спяваючыя сэрцы” пад кіраўніцтвам Галіны Філяноўскай і акардэаністка Галіна Пракопчык.

Атрымалі ўдзельнікі конкурсу віншаванні і ад дырэктара сацыяльнай установы Галіны Рай. Галіна Фадзееўна падзялілася інфармацыяй адносна цікавых праектаў, што рэалізуюцца ў ТЦСАН, а псіхолагі Галіна Волкава і Алена Жданюк выступілі з пазнавальнымі лекцыямі пра найбольш распаўсюджаныя праблемы людзей пажылога ўзросту.

Завяршылася сустрэча дэгустацыяй хатніх нарыхтовак і выпечкі, створаных самімі ўдзельнікамі конкурсу і арганізатарамі.

Валянціна КРАЎНЕВІЧ,

фота аўтара

Знаёмцеся, перад вамі – жыхарка вёскі Кібуці Валожынскага раёна Марына Міхайлаўна АСТАПОВІЧ. Гэта па-сапраўднаму чалавек з актыўнай грамадзянскай пазіцыяй і няўрымслівай душой.

Толькі ўявіце: яна – стараста адразу чатырох вёсак (сваёй і трох суседніх), першы памагаты ў старшыні сельвыканкама. Думаеце, маладжавая пенсіянерка такі энтузіяст таму, што мае шмат вольнага часу? Зусім не. Заняткаў па жыцці мела багата, а пасля таго, як 17 гадоў таму аўдавела, літаральна загружае сябе работай. Дабудавала і добраўпарадкавала дом. Зараз апантана займаецца наданнем эстэтычнага выгляду ўчастку. Таму яе сядзіба – прыгожы, квітнеючы куток, дзе можна палюбавацца кветкамі, з асалодай пасядзець у альтанцы ці падзівіцца на неверагодны ўраджай на агародзе. Да таго ж Марына Міхайлаўна – пчаляр з вялікім стажам. Жыць не можа без гэтага цікавага і карыснага занятку.

Заўзятая працаўніца шмат гадоў мела па дзве каровы. І толькі нядаўна дзеці забаранілі ёй трымаць буйную рагатую жывёлу. Гэта ж праца неверагодная! Але гераіня наша без значнай нагрузкі не ўяўляе свайго існавання. Таму сёння ў яе гаспадарцы: козы, свінні, трусы, гусі, куры-нясушкі і куры-бройлеры. Безумоўна, дзеці і ўнукі заўсёды гатовы дапамагчы, але яны жывуць у Астраўцы. Таму кожны дзень Марына Міхайлаўна можа разлічваць толькі на маральную падтрымку свайго любімца – сабачкі Евы. Гэта істота настолькі разумная, што гаспадыня ставіцца да яе, быццам да сяброўкі.

Нават калі працавала на маслазаводзе і вольнага часу мела значна менш, жанчына ўмудралася знаходзіць хвіліну-другую на любімае хобі – рукадзелле. Зараз жа, калі не шчыруе на падворку, абавязкова пад суправаджэнне тэлевізара (сучаснаму чалавеку як без інфармацыі?) вяжа на прутках і кручком, шые, вырабляе цацкі, малыя архітэктурныя формы для аздаблення дома і прысядзібнага ўчастка.

Тых, хто зацікавіцца яе ладам жыцця, працаўніца чакае ў госці. Пачаставаць мае чым – поўны падвал нарыхтовак. Да таго ж яна – выключны кулінар, пра смачныя творы якога маглі б расказаць людзі, што здзяйсняюць пілігрымкі – падарожжы па святых месцах. Гэтыя вандроўнікі, як і кожны добры чалавек, у доме веруючай і надзвычай шчодрай жанчыны ў любы час знойдуць і прытулак, і падмацунак, і паразуменне.

Валянціна КРАЎНЕВІЧ,

фота аўтара

Вольга ЖЫЛЕВІЧ, Марына ВІРШЫЧ, Валерый АСТРОЎСКІ, Павел ЛЯЎКОВІЧ.

Да Дня настаўніка прымеркавалі ўрачыстасць і ў Валожынскім сельскагаспадарчым ліцэі. З мэтай выканання супрацьэпідэмічных мер у актавую залу запрасілі толькі педагагічны калектыў установы, а невялікая група навучэнцаў паўдзельнічала ў канцэртнай праграме.

Вядучыя, ліцэісты Ганна Саскавец і Вячаслаў Буйлаў, шчыра павіншавалі сваіх настаўнікаў з прафесійным святам. У відэафармаце прагучалі словы ўдзячнасці за працу, пажаданні здароўя і поспехаў у прафесійнай дзейнасці ад старшыні райвыканкама Яўгенія Круковіча. Дырэктар установы Святлана Мучынская, якая зараз хварэе, звярнулася да прысутных з аўдыявіншаваннем.

Намеснік дырэктара па вучэбна-вытворчай рабоце Вольга Жылевіч за плённую працу ў галіне прафтэхадукацыі ўручыла Ганаровыя граматы ўпраўлення па адукацыі Мінаблвыканкама намесніку дырэктара Марыне Віршыч, старшаму майстру Валерыю Астроўскаму і інжынеру-праграмісту Паўлу Ляўковічу.

Валянціна РАФАЛОВІЧ, Ганна МІХАСЕНКА.Юрый ПРАКОПЧЫК.

З рук намесніка дырэктара Марыны Віршыч атрымалі граматы ліцэя 11 супрацоўнікаў. А яшчэ пецярых і тых, хто нядаўна адзначыў дні нараджэння і юбілейныя даты, павіншавала старшыня прафкама Таццяна Шумская. Самой жа Таццяне Міхайлаўне за шматгадовую работу ў якасці прафсаюзнага лідара букет і падарунак ад РК прафсаюза работнікаў аграпрамысловага комплексу перадала галоўны бухгалтар раённага камітэта Святлана Мартуновіч. Старшыня пярвічнай арганізацыі ГА “Белая Русь” Валянціна Рафаловіч як знак павагі за годную дзейнасць уручыла грашовы сертыфікат выкладчыку Ганне Міхасенка.

У канву сцэнарыя між эпізодамі з узнагароджаннем арганізатары ўдала ўплялі канцэртныя нумары. Самыя гучныя апладысменты прагучалі пасля таго, як з прыгожай песняй на сцэне выступіла выхавальнік інтэрната Марына Яцкевіч.

Валянціна КРАЎНЕВІЧ,

фота аўтара

Педагогический митап

4 октября 2021 года в государственном учреждении образования «Гимназия №1 г.Воложина» в рамках районного педагогического марафона «Единство, гражданственность, патриотизм - ключевой ресурс образования Минщины» в форме педагогического митапа прошло заседание Школы молодого учителя по теме «Педагог XXI века- компетентный специалист и патриот своей страны». Цель заседания - создание условий для развития гражданского и патриотического сознания молодых  педагогов, их потребности в непрерывном профессиональном самообразовании и личностном самосовершенствовании. В ходе заседания руководителем ШМУ Лушновой Г.В был проведен старт - тренинг «Добро пожаловать! Профессия - учитель!», в ходе которого молодые специалисты определили для себя важность выбранной ими профессии, смогли поделиться первыми успехами в педагогической деятельности. В тренинге приняла участие учитель начальных классов Данько О.С., лауреат районного конкурса «Университеты молодого педагога», которая провела презентацию конкурсного эссе «Моя профессия - педагог».  Во время работы в педагогической  мастерской    «Современный учитель. Какой он?» участники тренинга создали «модель» современного педагога, определили профессионально- значимые личностные качества педагога, обсудили его основные профессиональные компетентности. Особое внимание было уделено развитию гражданско - патриотической компетенции  современного педагога и осознанию молодыми специалистами необходимости эффективной реализации воспитательного потенциала учебного занятия  как средства формирования гражданско- патриотических качеств учащихся. Итог заседания подвела директор гимназии Клачко Е.И., которая подчеркнула необходимость постоянного самосовершенствования современного педагога, поздравила участников заседания с профессиональным праздником, Днем Учителя,  и вручила молодым специалистам подарки от Воложинской районной организации РОО «Белая Русь». Проведение педагогического митапа способствовало  формированию  потребности молодых педагогов в развитии профессиональных компетенций, осознанию необходимости анализа профессиональной деятельности, развития гражданского и патриотического сознания молодых  педагогов.

На самыя распаўсюджаныя пытанні, якія хвалююць людзей, аб вакцынацыі супраць каранавіруснай інфекцыі адказаў галоўны санітарны ўрач раёна Павел САРОКА.

– Павел Мікалаевіч, якія вакцыны выкарыстоўваюць для прышчэпкі супраць COVID-19?

– Для прафілактыкі каранавіруснай інфекцыі ў Рэспубліцы Беларусь выкарыстоўваюцца наступныя вакцыны: Гам-КАВІД-Вак (вектарная вакцына) вытворчасці Расійскай Федэрацыі (гандлёвая марка вакцыны “Спадарожнік V”); вакцына супраць SARS-CoV-2 (Vero Cell), інактываваная, вытворчасці Кітайскай Народнай Рэспублікі; вакцына “Спадарожнік Лайт” (вектарная вакцына) вытворчасці Расійскай Федэрацыі. Усе вакцыны прымяняюцца ў асоб ва ўзросце 18 гадоў і старэйшых. Вакцынацыя праводзіцца бясплатна.

Спадарожнік V: уводзіцца двойчы з інтэрвалам 3 тыдні (магчыма павелічэнне інтэрвалу да 90 дзён). Эфектыўнасць складае больш за 90 працэнтаў. Чакаецца, што імунітэт фарміруецца на два гады, даказана – 6-9 месяцаў.

Vero Cell: уводзіцца двойчы з інтэрвалам 21-28 дзён (магчыма павелічэнне інтэрвалу да 56 дзён). Эфектыўнасць складае больш за 70 працэнтаў.

Спадарожнік Лайт: уводзіцца аднаразова. Эфектыўнасць складае каля 80 працэнтаў. Чакаецца, што імунітэт пасля вакцынацыі пратрымаецца 4-5 месяцаў. Рэкамендавана Міністэрствам аховы здароўя Рэспублікі Беларусь да прымянення ў першачарговым парадку для вакцынацыі студэнтаў, курсантаў, навучэнцаў вочнага навучання ўстаноў адукацыі, асоб, якія прызваны ці прызываюцца ў 2021 годзе на тэрміновую ваенную службу; у далейшым парадку – асоб, якія перахварэлі на COVID-19, раней не прышчэпленыя супраць каранавіруснай інфекцыі.

Прышчэпкі праводзяцца пасля дазволу ўрача на падставе апытання і агляду прышчэпліваемага. Абавязкова знаходжанне прышчэпленага каля прышчэпкавага кабінета на працягу 30 хвілін для назірання за рэакцыяй на прышчэпку.

– Ці можа вакцына выклікаць захворванне каранавіруснай інфекцыяй?

– Спадарожнік V і Спадарожнік Лайт утрымліваюць толькі S-бялок каранавіруса, а не цэлы вірус, вакцына Vero Cell утрымлівае цалкам забіты вірус, таму размнажэнне каранавіруса з вакцыны ў арганізме чалавека немагчыма.

– Ці трэба прышчэплівацца перахварэўшым?

– Так. Імунітэт пасля перанесенай інфекцыі не забяспечвае працяглую абарону. Пасля бессімптомнай ці ў лёгкай ступені перанесенай інфекцыі COVID-19 вакцынацыя можа быць пачата пасля поўнага выздараўлення. Калі захворванне перанесена ў сярэдняцяжкай ці цяжкай формах, то мэтазгодна прышчэпку ўвесці праз 2-4 тыдні пасля выздараўлення. Можна адкласці прышчэпку на 3-6 месяцаў пасля перанесенага захворвання, разлічваючы на постінфекцыйны імунітэт.

– Перад вакцынаваннем неабходна рабіць аналіз на антыцелы да SARS-CoV-2 ці ПЦР (тэст на каранавірус) на наяўнасць каранавіруса?

– Не. Мэтазгоднасць абследавання перад правядзеннем вакцынацыі на наяўнасць антыгену ці антыцелаў да віруса SARS-CoV-2 адсутнічае, бо не нясе ў сабе ніякай канкрэтнай інфармацыі для прыняцця рашэння пра вакцынацыю.

– Ці трэба захоўваць самаізаляцыю пасля вакцынацыі?

– Не трэба. Вакцына не ўтрымлівае патагенны для чалавека вірус, які выклікае COVID-19, таму захварэць і заразіць навакольных пасля прышчэпкі немагчыма.

– Пасля вакцынацыі можна хадзіць без маскі?

– Ва ўмовах цыркуляцыі каранавіруснай інфекцыі і адсутнасці дастатковага ўзроўню калектыўнага імунітэту насіць маску трэба, таксама варта працягваць захоўваць іншыя прафілактычныя меры.

Важна памятаць: прышчэпка не дае 100-працэнтнай гарантыі, што вы не заразіцеся каранавірусам. Дакладна ўстаноўлена, што вакцынацыя на 100 працэнтаў абараняе ад цяжкага цячэння хваробы і лятальнага канца.

Даведачна

Па выніках аналізу, колькасць асоб, якія прышчапіліся поўным курсам вакцынацыі супраць COVID-19 і перахварэлі каранавіруснай інфекцыяй праз 21 дзень і больш пасля вакцынацыі, за 8 месяцаў бягучага года складае менш за 1 працэнт. Пры гэтым у 70-80 працэнтаў асоб захворванне працякала ў лёгкай ступені цяжкасці і толькі ў 20-30 працэнтаў – у сярэдняй ступені цяжкасці.

Лёгкія здаровага чалавека.Лёгкія чалавека, які захварэў на кавід-пнеўманію.

Наш кар.

На самыя распаўсюджаныя пытанні, якія хвалююць людзей, аб вакцынацыі супраць каранавіруснай інфекцыі адказаў галоўны санітарны ўрач раёна Павел САРОКА.

– Павел Мікалаевіч, якія вакцыны выкарыстоўваюць для прышчэпкі супраць COVID-19?

– Для прафілактыкі каранавіруснай інфекцыі ў Рэспубліцы Беларусь выкарыстоўваюцца наступныя вакцыны: Гам-КАВІД-Вак (вектарная вакцына) вытворчасці Расійскай Федэрацыі (гандлёвая марка вакцыны “Спадарожнік V”); вакцына супраць SARS-CoV-2 (Vero Cell), інактываваная, вытворчасці Кітайскай Народнай Рэспублікі; вакцына “Спадарожнік Лайт” (вектарная вакцына) вытворчасці Расійскай Федэрацыі. Усе вакцыны прымяняюцца ў асоб ва ўзросце 18 гадоў і старэйшых. Вакцынацыя праводзіцца бясплатна.

Спадарожнік V: уводзіцца двойчы з інтэрвалам 3 тыдні (магчыма павелічэнне інтэрвалу да 90 дзён). Эфектыўнасць складае больш за 90 працэнтаў. Чакаецца, што імунітэт фарміруецца на два гады, даказана – 6-9 месяцаў.

Vero Cell: уводзіцца двойчы з інтэрвалам 21-28 дзён (магчыма павелічэнне інтэрвалу да 56 дзён). Эфектыўнасць складае больш за 70 працэнтаў.

Спадарожнік Лайт: уводзіцца аднаразова. Эфектыўнасць складае каля 80 працэнтаў. Чакаецца, што імунітэт пасля вакцынацыі пратрымаецца 4-5 месяцаў. Рэкамендавана Міністэрствам аховы здароўя Рэспублікі Беларусь да прымянення ў першачарговым парадку для вакцынацыі студэнтаў, курсантаў, навучэнцаў вочнага навучання ўстаноў адукацыі, асоб, якія прызваны ці прызываюцца ў 2021 годзе на тэрміновую ваенную службу; у далейшым парадку – асоб, якія перахварэлі на COVID-19, раней не прышчэпленыя супраць каранавіруснай інфекцыі.

Прышчэпкі праводзяцца пасля дазволу ўрача на падставе апытання і агляду прышчэпліваемага. Абавязкова знаходжанне прышчэпленага каля прышчэпкавага кабінета на працягу 30 хвілін для назірання за рэакцыяй на прышчэпку.

– Ці можа вакцына выклікаць захворванне каранавіруснай інфекцыяй?

– Спадарожнік V і Спадарожнік Лайт утрымліваюць толькі S-бялок каранавіруса, а не цэлы вірус, вакцына Vero Cell утрымлівае цалкам забіты вірус, таму размнажэнне каранавіруса з вакцыны ў арганізме чалавека немагчыма.

– Ці трэба прышчэплівацца перахварэўшым?

– Так. Імунітэт пасля перанесенай інфекцыі не забяспечвае працяглую абарону. Пасля бессімптомнай ці ў лёгкай ступені перанесенай інфекцыі COVID-19 вакцынацыя можа быць пачата пасля поўнага выздараўлення. Калі захворванне перанесена ў сярэдняцяжкай ці цяжкай формах, то мэтазгодна прышчэпку ўвесці праз 2-4 тыдні пасля выздараўлення. Можна адкласці прышчэпку на 3-6 месяцаў пасля перанесенага захворвання, разлічваючы на постінфекцыйны імунітэт.

– Перад вакцынаваннем неабходна рабіць аналіз на антыцелы да SARS-CoV-2 ці ПЦР (тэст на каранавірус) на наяўнасць каранавіруса?

– Не. Мэтазгоднасць абследавання перад правядзеннем вакцынацыі на наяўнасць антыгену ці антыцелаў да віруса SARS-CoV-2 адсутнічае, бо не нясе ў сабе ніякай канкрэтнай інфармацыі для прыняцця рашэння пра вакцынацыю.

– Ці трэба захоўваць самаізаляцыю пасля вакцынацыі?

– Не трэба. Вакцына не ўтрымлівае патагенны для чалавека вірус, які выклікае COVID-19, таму захварэць і заразіць навакольных пасля прышчэпкі немагчыма.

– Пасля вакцынацыі можна хадзіць без маскі?

– Ва ўмовах цыркуляцыі каранавіруснай інфекцыі і адсутнасці дастатковага ўзроўню калектыўнага імунітэту насіць маску трэба, таксама варта працягваць захоўваць іншыя прафілактычныя меры.

Важна памятаць: прышчэпка не дае 100-працэнтнай гарантыі, што вы не заразіцеся каранавірусам. Дакладна ўстаноўлена, што вакцынацыя на 100 працэнтаў абараняе ад цяжкага цячэння хваробы і лятальнага канца.

Даведачна

Па выніках аналізу, колькасць асоб, якія прышчапіліся поўным курсам вакцынацыі супраць COVID-19 і перахварэлі каранавіруснай інфекцыяй праз 21 дзень і больш пасля вакцынацыі, за 8 месяцаў бягучага года складае менш за 1 працэнт. Пры гэтым у 70-80 працэнтаў асоб захворванне працякала ў лёгкай ступені цяжкасці і толькі ў 20-30 працэнтаў – у сярэдняй ступені цяжкасці.

Лёгкія здаровага чалавека.Лёгкія чалавека, які захварэў на кавід-пнеўманію.

Наш кар.

Каб даведацца, як ідуць справы з вакцынацыяй у працоўных калектывах, мы наведаліся ў арганізацыю, дзе сёння працуюць 200 чалавек. Гэта валожынскі вытворчы ўчастак ААТ “Маладзечанскі малочны камбінат”. У гэты ж дзень на прадпрыемстве пабываў перасоўны медыцынскі комплекс па вакцынацыі райпаліклінікі.

Начальнік вытворчага ўчастка Марына Пятроўна Каспяровіч сама яшчэ раней паспела зрабіць прышчэпку. Таму з радасцю прадаставіла магчымасць медыкам папрацаваць са сваімі падначаленымі. Кіраўнік адзначыла: стаўленне супрацоўнікаў да вакцыны няўхільна мяняецца ў бок прыняцця неабходнасці працэдуры. Напрыклад, у дзень нашага візіту ў арганізацыі колькасць вакцынаваных склала 21%. Шмат гэта ці мала? Калі ўлічваць, што яшчэ ў маі жадаючых прышчапіцца не было ўвогуле, сёння адносіны работнікаў да праблемы значна памяняліся. Літаральна за дзень да таго, як мы пабывалі на ўчастку, група работнікаў атрымала вакцыну на камбінаце ў Маладзечне. Мы ж змаглі пагутарыць з дзесяццю супрацоўнікамі, якія рыхтаваліся зрабіць прышчэпку амаль на рабочым месцы (для працэдуры выдзелілі асобнае памяшканне).

Відавочна, што актывізацыі людзей садзейнічае добра прадуманая работа адміністрацыі ў кірунку прадухілення распаўсюджання інфекцыі. Арганізавана тэрмаметрыя на прахадной і ў кожным са структурных падраздзяленняў. Супрацоўнікі ў дастатковай колькасці атрымліваюць ахоўныя сродкі і дэзынфектанты. Кожны тыдзень праводзіцца пасяджэнне спецыяльна створанага штаба, дзе разглядаюцца адпаведныя пытанні.

Сёння галоўная задача, якая стаіць перад кіруючымі работнікамі, – заахвоціць людзей зрабіць прышчэпкі. У гэтым сэнсе неабходная інфармацыйная падтрымка маецца з боку медыкаў. Нядаўна перад калектывам выступіў галоўны ўрач ЦРБ Павел Ганчар. Павел Алегавіч даступна і яскрава патлумачыў і прадэманстраваў з дапамогай візуалізацыі ўсе магчымыя рэакцыі арганізма на “работу” віруса, а таксама падкрэсліў: пераможа вірус калектыўны імунітэт, а каб ён выпрацаваўся, атрымаць вакцыну павінны не менш за 60% насельніцтва. Цікавую лекцыю прачытала і прадстаўнік раённага цэнтра гігіены і эпідэміялогіі Святлана Марчык.

На думку вядучага інжынера-тэхнолага Іны Паўлавай, галоўным ворагам актыўнай і дастатковай вакцынацыі сёння выступаюць сацыяльныя сеткі, дзе невядома хто і невядома з якой мэтай распаўсюджвае лжэінфармацыю. Канешне, людзі, начытаўшыся тых страхаў, асцярожнічаюць. Аднак колькасць тых, хто свядома накіроўваецца ў паліклініку ці запісваецца ў спіс на атрыманне вакцыны ў перасоўным медцэнтры, з кожным днём расце. Некаторыя работнікі малочнага прадпрыемства, пакуль чакалі чаргі на прышчэпку, падзяліліся сваімі меркаваннямі.

Марына КАСПЯРОВІЧ, начальнік вытворчага ўчастка:

– З першых дзён, як даведалася пра каварнае захворванне, чакала, каб вучоныя хутчэй вынайшлі вакцыну. Таму зараз, калі яна ёсць, не магла не скарыстаць магчымасць. Прышчапілася кітайскім прэпаратам. Адчуваю сябе цудоўна. Заклікаю ўсіх далучацца да кампаніі па барацьбе з каранавірусам, бо час працуе не на непрышчэпленых.

Іна ПАЎЛАВА, вядучы інжынер-тэхнолаг:

– Я ўжо вакцынавалася. Сёння прышчэпку зрабіў мой муж. Астатнія сваякі таксама баяцца захворвання (вельмі цяжка перахварэла маці), таму абавязкова наведаюцца ці ў паліклініку, ці ў пункт вакцынацыі.

Ігар ТРУС, машыніст расфасовачна-ўпаковачнай машыны:

– Як можна адмаўляцца ад прышчэпкі, калі кожны дзень чуеш, як хтосьці трапіў у бальніцу, нават у рэанімацыю. Вось каб прышчапіліся ўсе, столькі цяжкіх хворых бы не было. Мая маці – медык, менавіта яна падала мне прыклад, таму я тут.

Алена ПРАКАПОВІЧ, кантралёр харчовай прадукцыі:

– Ужо аднойчы перахварэла. Зараз раблю ўсё, каб не паўтараць горкі вопыт. Вакцыну прыняла свядома. Веру ў яе і раю гэта зрабіць кожнаму. Мой сын – ваенны, ён ужо прышчапіўся, ніякіх непрыемных наступстваў не меў.

Святлана ЖУРКЕВІЧ, кантралёр харчовай прадукцыі, і Мікалай ПРАКОПЧЫК, машыніст расфасовачна-ўпаковачнай машыны:

– Мы – за прагрэс. Калі ёсць вакцына, дык чаму б не прышчапіцца? Многія выказваюцца, быццам мала часу было на выраб прэпарату і яго апрабацыю. Маўляў, некалі на гэта ішлі дзесяцігоддзі. Але ж не трэба забываць, што зараз зусім іншыя тэхналогіі, апаратура і веды вучоных.

Месцы, дзе Вы можаце вакцынавацца:

*Прышчэпкавыя пункты працуюць штодзённа ў рабочы час з панядзелка па суботу.

У нядзелю Вы можаце вакцынавацца ў прыёмным пакоі бальніц Валожына, Ракава і Івянца.

Таксама працуюць перасовачныя пункты вакцынацыі на плошчы Свабоды ў Валожыне з 9 да 14 гадзін і на базе фізкультурна-аздараўленчага комплексу.

Валянціна КРАЎНЕВІЧ,

фота аўтара

Менавіта гэтыя словы не аднойчы гучалі падчас набажэнства ў касцёле Святога Юзафа ў мінулую суботу, куды прыбылі 11 копій абразоў Маці Божай з розных куткоў Беларусі. 

Большасць выяў спісаны са святынь, што знаходзяцца ў марынічных касцёлах (у гонар дзевы Марыі), а адна – з праваслаўнага вобраза Маці Божай Жыровіцкай.

Нават дождж, які паліваў райцэнтр амаль цэлы дзень, не перашкодзіў вернікам загадзя сабрацца ў храме ў чаканні значнай падзеі. За гадзіну да прыбыцця аўтамабіля, які даставіў абразы са сталіцы, хмары развеяліся, а літаральна за 10 хвілін да сустрэчы над нашым горадам заззяла яркае сонца.

Пасля таго, як пад гук званоў з урачыстай працэсіяй парафіяне ўнеслі абразы ў касцёл і ўстанавілі іх на спецыяльныя пастаменты, распачалося набажэнства ружанцовае і святая імша. У ходзе яе прысутныя маліліся аб тым, каб пандэмія каранавіруса спынілася як у нашай краіне, так і ва ўсім свеце.

Перад тым, як завітаць у Валожын, абразы-падарожнікі аб’ехалі ўсю Беларусь па яе граніцах, а гэта 3125 кіламетраў. У храмах, дзе яны гасцявалі, людзі прасілі Багародзіцу аб перамозе чалавецтва над вірусам.

Памаліцца перад святынямі жыхары раёна і госці могуць штодня да 10 кастрычніка.

Валянціна КРАЎНЕВІЧ,

фота аўтара