Валожынскі раённы
выканаўчы камітэт

6 красавіка 2023 года ў ДУК «Івянецкі Дом культуры» прайшоў майстар-клас па асновах вакальнага майстэрства «На крок бліжэй да эстрады» для навучэнцаў ДУА «Івянецкая сярэдняя школа».

3 і 4 красавіка на базе фізкультурна-аздараўленчага комплексу ў г.Валожын прайшлі спаборніцтвы па летнім мнагабор'і комплексу «Здароўе» сярод навучэнцаў устаноў агульнай сярэдняй адукацыі, размешчаных у сельскай і гарадской мясцовасці. Выніковыя месцы размеркаваліся наступным чынам:

Сельская мясцовасць

1 месца - ДУА «Суднікоўская сярэдняя школа»

2 месца - ДУА «Пяршайская сярэдняя школа»

3 месца - ДУА «Яршэвіцкая сярэдняя школа»

Гарадская мясцовасць

1 месца - ДУА «Сярэдняя школа № 1 горада Валожына»

2 месца - ДУА «Гімназія №1 горада Валожына»

3 месца - ДУА «Сярэдняя школа № 2 горада Валожына»

Віншуем пераможцаў і прызёраў спаборніцтваў!

5 красавіка на базе фізкультурна-аздараўленчага комплексу прайшлі занальныя спаборніцтвы па настольным тэнісе ў рамках абласной спартакіяды сярод дзяцей і юнацтва, якія займаюцца ў групах і секцыях фізкультурна-аздараўленчай і спартыўнай накіраванасці па месцы жыхарства (дзяўчынкі, хлопчыкі 2009-2011 г. н.)

Хлопчыкi:

1 месца - Вілейскі раён

2 месца - Валожынскі раён

3 месца - Маладзечанскі раён

Дзяўчынкi:

1 месца - Валожынскі раён

2 месца - Вілейскі раён

3 месца - Мядзельскі раён

5 красавіка ў Бабровіцкім культурна-спартыўным цэнтры прайшла інфармацыйная гадзіна з падлеткамі па тэме «Дом без гвалту» і майстар-клас гуртка дэкаратыўна-прыкладнога мастацтва «Фантазія» пад назвай «Велікоднае яйка». У ходзе мерапрыемства дарослыя разам з хлопцамі давалі вызначэнне слоў «жорсткасць», «гвалт», пазнаёміліся з тэарэтычнай бокам пытання, разбіралі прыклады. Удзельнікі актыўна дзяліліся сваімі назіраннямі і разважаннямі па гэтай тэме. Працягнулiся зносіны майстар-класам па размалёўцы і аплікацыі велікодных яек.

2 сакавіка года ў Ракаўскім Цэнтры народнай творчасці кіраўнік гуртка “Майстроўня” Ярашэвіч Святлана Віктараўна  на працягу рабочага дня праводзіла майстар-клас “Саламяныя карункі”. Кожны ўдзельнік находзіў для сябе справу: плялі кветкі, лісцікі, птушкі, вяровачкі і нават вазу.

Беларускі аўтамабільны завод у 2022 годзе адгрузіў у Расію прадукцыі на суму больш як $800 млн. Аб гэтым у YouTube-праекце БЕЛТА "Па факце: рашэнні Першага" расказаў намеснік генеральнага дырэктара па маркетынгавай і экспартнай палітыцы ААТ "БЕЛАЗ" Васіль Шостак.

Беларусь за два месяцы 2023 года экспартавала харчовых тавараў і сельгассыравіны на $1,2 млрд, паведаміў карэспандэнту БЕЛТА міністр сельскай гаспадаркі і харчавання Ігар Брыло, каменціруючы Пасланне Прэзідэнта беларускаму народу і Нацыянальнаму сходу.

Самымі эмацыйнымі і непасрэднымі наведвальнікамі Валожынскага краязнаўчага музея з'яўляюцца выхаванцы дзіцячых дашкольных устаноў.

4 і 5 красавіка для дзяцей дзіцячага сада №2 «Вясёлка» г.Валожына быў праведзены музейны занятак – падарожжа «Птушкі і хвастатыя». Падчас віртуальнага падарожжа па таямнічых сцяжынках вясновага лесу дашкольнікі сустрэліся з буйнымі насельнікамі Налібоцкай пушчы: зубром, аленем, ласём, бурым мядзведзем, рыссю і інш. Выявы жывёл былі прадстаўлены на прыгожых анімацыйных малюнках.

Далей падарожжа працягнулася па экспазіцыі «Прырода Налібоцкай пушчы». Дашкольнікі з вялікай цікавасцю разглядалі пудзілы насельнікаў ляснога царства, знаёміліся з іх звычкамі і асаблівасцямі.

У Iвянецкай гарпасялковай бібліятэцы прайшла конкурсная праграма «Мы будзем казкі пазнаваць, жартаваць, адгадваць, гуляць». Удзельнікі мерапрыемства не толькі сустрэліся з любімымі героямі казак, але і праверылі наколькі памятаюць гэтыя казкі. Быў праведзены конкурс «Адгадай героя казкі», літаратурная віктарына «Па дарогах казак». Завяршылася мерапрыемства праглядам відэароліка «Нашы любімыя казкі».

У Сугваздаўскай сельскай бібліятэцы - клубе прайшла экскурсія па краязнаўчаму кутку «Жывая даўніна». Тут дзеці мелі магчымасць атрымаць інфармацыю пра гліняны посуд, пра калаўроты, бойкі, грэбені, бочкі, рубанкі і іншыя прылады працы, якімі карысталіся іх прадзеды. Увазе вучняў былі прадстаўлены таксама вышываныя ручнікі і посцілкі.