Валожынскі раённы
выканаўчы камітэт

У сярэдняй школе №1 г.Валожына прайшлі мерапрыемствы, прымеркаваныя Міжнароднаму дню вызвалення вязняў фашысцкіх канцлагераў.

Суразмоўцам дыялогавай пляцоўкі «Памятаць, каб жыць» стаў Камінскі А.В., намеснік камандзіра батальёна вайсковай часці 30695.

valozhin.by

З 8 красавіка па 15 красавіка 2023 года ва ўсіх лясгасах Мінскай вобласці пройдзе добраахвотная акцыя «Тыдзень лесу», ініцыятарам якой традыцыйна выступае Міністэрства лясной гаспадаркі Рэспублікі Беларусь

У гэтым годзе акцыя «Тыдзень лесу» будзе праходзіць ужо ў 16-ы раз і прысвечана Году міру і стварэння.

Галоўныя мэты акцыі - захаванне і прымнажэнне лясоў, прыцягненне ўвагі грамадскасці да вырашэння агульнадзяржаўных задач у сферы ўзмацнення экалагічнай, эканамічнай і сацыяльнай ролі лясоў.

Падчас акцыі ўдзельнікі змогуць стварыць новыя лясы і прывесці ў парадак месцы пахавання воінаў, якія загінулі ў гады Вялікай Айчыннай вайны, мемарыяльныя комплексы.

Валожынскі лясгас запрашае прыняць удзел у акцыі.

Кантакты: Казыро Таццяна Станіславаўна - 80177248985

Галоўны ляснічы Рудовіч Мікалай Юр'евіч - 80177248985

Акрамя пасадкі лесу добраахвотнікі змогуць паўдзельнічаць ва ўборцы смецця і захламленасці, добраўпарадкаванні месцаў масавага адпачынку.

11 красавіка ва ўсім свеце адзначаецца Міжнародны дзень вызвалення вязняў фашысцкіх канцлагераў. Ён усталяваны ў памяць аб інтэрнацыянальным паўстанні ў Бухенвальдзе. У гэты дзень 1945 года вязні захапілі канцлагер і ўтрымлівалі яго да прыходу саюзных войскаў.

Асвенцым, Заксенхаўзен, Дахаў, Равенсбрук, Майданек, Трэблінка - гэтыя і многія іншыя месцы на карце Еўропы былі ператвораны ў гады Другой сусветнай вайны ў жорны смерці, прылады масавага фізічнага знішчэння людзей.

Толькі на тэрыторыі Беларусі налічвалася больш за 260 канцэнтрацыйных лагераў. Найбольш буйныя з іх знаходзіліся ў Мінску - у раёне Нямігі і Трасцянцы, а таксама ў Азарычах, Гомелі, Полацку, Бабруйску. У іх былі знішчаныя звыш 1,4 млн чалавек.

Трасцянец - месца самага масавага знішчэння людзей на тэрыторыі Беларусі і ўсяго былога СССР у гады нямецка-фашысцкай акупацыі. Ён уваходзіць у лік васьмі найбуйнейшых лагераў масавага знішчэння ў Еўропе ў гады Другой сусветнай вайны.

Да гэтай даты супрацоўнікамі Валожынскай цэнтральнай раённай бібліятэкі было праведзена мерапрыемства «Жыццё і смерць за аграджай канцлагера. Трасцянец». Слухачамі на мерапрыемстве былі навучэнцы ДУА «Валожынскі сельскагаспадарчы каледж». На мерапрыемстве дэманстраваўся відэафільм «Канцлагер Трасцянец. Канвеер смерці».

12 красавіка 2023 года ў Валожынскім краязнаўчым музеі прайшоў інтэрактыўны музейны занятак «Пералётныя птушкі – веснікі вясны» з майстар-класам для выхаванцаў ДУА «Дзіцячы сад № 3 «Пралеска» г.Валожына» ў рамках тэматычнага тыдня птушак.

Хлопцы наведалі выставу «Пералётныя і зімуючыя птушкі», пазнаёміліся з мультымедыйнай прэзентацыяй «Веснікі вясны», пагулялі ў рухомую гульню «Птушкі зімуюць. Птушкі пералётныя», з цікавасцю паглядзелі відэаролік пра звычкі белых буслоў. Завяршальны этап заняткаў быў творчым. Хлопцы прынялі актыўны ўдзел у майстар-класе па вырабе птушаня - бусляня.

У рамках рэспубліканскай акцыі «Тыдзень лесу» навучэнцы Гарадзькоўскай сярэдняй школы 12 красавіка 2023 года аказалі дапамогу Валожынскаму лясніцтву ў пасадцы лесу. Навучэнцы атрымалі не толькі практычныя навыкі пасадкі дрэў, але і інфармацыю аб экалагічных праблемах, звязаных са знішчэннем лясоў і іх аднаўленнем.

Удзельнікі акцыі выказалі падзяку лясніцтву за прадстаўленую магчымасць аказаць дапамогу ў пасадцы лесу і спадзяюцца, што іх намаганні дапамогуць захаваць і павялічыць зялёныя насаджэнні на тэрыторыі рэспублікі. Яны таксама спадзяюцца на далейшае супрацоўніцтва з леснікамі ў барацьбе за захаванне навакольнага асяроддзя і экалагічную бяспеку.

gorodki.volozhin-edu.gov.by

У рамках рэспубліканскай акцыі «Тыдзень лесу 2023» прысвечанай Году міру і стварэння, навучэнцы ДУА «Гімназія №1 г.Валожына» прынялі ўдзел у дадзеным мерапрыемстве. Правядзенне акцыі ў такім фармаце, прадаставіла дзецям магчымасць бліжэй пазнаёміцца з лясной гаспадаркай; даведацца, як ствараюцца і захоўваюцца нашы лясы, а таксама ўнесці непасрэдны асабісты ўклад у прымнажэнне лясных багаццяў рэспублікі.

gimnasia.volozhin-edu.gov.by

У рамках месячніка па навядзенні парадку, добраўпарадкавання тэрыторыі Валожынскага раёна работнікі СХУ «Бабровічы» і работнікі культуры наводзілі парадак на тэрыторыі Валожынскага сельскага савета, высаджвалі хмызнякі

А таксама наводзілі парадак на прылеглай тэрыторыі мемарыяла «Помнік» у вёсцы Бабровічы.

valozhin.by

З 30 сакавіка па 30 красавіка 2023 года на тэрыторыі вобласці праходзіць абласны месячнік бяспекі ў сельскай гаспадарцы.

Мабільная група райвыканкама ў рамках месячніка забеспячэння бяспечных умоў працы на перыяд падрыхтоўкі і правядзення веснавых палявых работ наведала шэраг сельгасарганізацый раёна, каб аказаць практычную і метадычную дапамогу наймальнікам у забеспячэнні выканання заканадаўства аб ахове працы, прафілактыцы вытворчага траўматызму арганізацый АПК.

Праведзены маніторынг сельскагаспадарчых прадпрыемстваў раёна філіял «Валожынскае» агракамбінат «Дзяржынскі», ААТ «Суднікаўскі» і КУП «Сівіца».

Члены мабільнай групы азнаёміліся з дакументацыяй па ахове працы, станам тэхнікі, на мехдвары пагутарылі з работнікамі. У гутарцы з аграрыямі асабліва падкрэслівалася, што кожны пункт правілаў – не чыйсці капрыз, а неабходнасць, безумоўнае выкананне якой прапісана крывёю.

У ходзе маніторынгу вывучалі пытанні навучання работнікаў па ахове працы, правядзення інструктажоў па ахове працы, забяспечанасць работнікаў спецыяльнай вопраткай, выпуск на лінію тэхнікі, правядзення медаглядаў і інш. Недахопы, варта сказаць, знайшліся ўсюды: дзесці нязначныя (яны ліквідаваны адразу ж у ходзе праверкі), а дзесці, каб давесці справу да розуму, аграрыям яшчэ прыйдзецца пастарацца. У планах мабільнай групы – наведванне ўсіх сельгасарганізацый раёна, бо, як кажуць, лепш перастрахавацца і быць гатовым да любых сітуацый, бо кошт памылкі занадта высокі.

valozhin.by

Кубак і першынство раёна па лёгкаатлетычным кросе, прымеркаваным да Года міру і стварэння прайшоў на базе гімназіі №1 г.Валожына.

Падрабязнасці ў наступным нумары газеты

valozhin.by

У рэспубліканскім цэнтры алімпійскай падрыхтоўкі "Стайкі" стартаваў адкрыты Кубак Беларусі па спартыўнай гімнастыцы, паведамляе карэспандэнт БЕЛТА.