Воложинский районный
исполнительный комитет

Урачыстае мерапрыемства, прымеркаванае да галоўнага свята ў працоўным календары хлебаробаў, прайшло ў цэнтральнай сядзібе СГУ "Бабровічы" УП "Мінскаблгаз" – гаспадарцы, дзе дасягнуты ўнушальны паказчык па валавым зборы зерня ў 5745 тон. Як адзначыў, выступаючы з вітальным словам, старшыня раённага выканаўчага камітэта Мікалай Анатольевіч Астрэйка, ганарыцца сёння сапраўды ёсць чым. Валожынскія рупліўцы, нягледзячы на выпрабаванні прыроды, сабралі каля 70 тысяч тон хлеба – на 9 тысяч тон больш, чым летась. Удвая больш у параўнанні з мінулым годам атрымалі і рапсу – 6354 тоны.

Радасць паспяховай стваральнай працы раздзялілі і ганаровыя госці мерапрыемства – старшыня рэспубліканскага камітэта Беларускага прафсаюза работнікаў АПК Мікалай Аксёнавіч Лабушаў, начальнік аддзела гарадской гаспадаркі  адміністрацыі Савецкага раёна г. Мінска Іна Мікалаеўна Бунец, дырэктар УП "Рамаўтадар" гэтага ж раёна Аляксандр Пятровіч Ярошык, генеральны дырэктар УП "Мінскаблгаз" Юрый Віктаравіч Кукліцкі.

"Хвала рукам, што пахнуць хлебам" – гэтым пацверджаным жыццём лейтматывам было прасякнута ўсё свята. На сцэну пад гучныя апладысменты залы падымаліся героі сёлетняга жніва, чые рупнасць, працавітасць уражваюць. З рук кіраўніка раённай вертыкалі ўлады заслужаныя ўзнагароды атрымалі кіраўнік СГУ "Бабровічы" УП "Мінскаблгаз" Генадзь Уладзіміравіч Бычкоўскі: яго гаспадарка прызнана пераможцам раённага спаборніцтва за дасягненне высокіх паказчыкаў зерневых і зернебабовых культур. Сярод камбайнерскіх экіпажаў першае месца заняў працоўны дуэт КСУП "Пяршаі-2014" у складзе А. І. Жамоздзіка і В. А. Адамовіча. Другое і трэцяе прысуджаны іх калегам-"аднапалчанам" Р. П. Салаўёву і А. С. Пачыкоўскаму, а таксама А. С. Клімовічу і А. С. Ткачэнку.

Лепшымі сярод маладых камбайнераў сталі браты Я. В. і П. В. Палешчукі, якія кожны на сваім агрэгаце шчыравалі на палетках ТАА "Тарасава", і падбярэзскі экіпаж у складзе Ю. М. Рагачэвіча і А. Л. Рагачэвіча. Сярод вадзіцеляў прызнаны пераможцамі А. Г. Русіновіч з Сакаўшчыны, Г. Г. Пальчэўская з Багданава і пяршайскі руплівец Ю. М. Маркевіч. Праявілі сябе на сёлетняй уборцы і маладыя аўтамабілісты – браты С. А. і А. А. Голубы з КСУП "Пяршаі-2014" і А. Э. Пратасевіч з Бабровічаў.

Напружанай была праца і аператараў зернесушыльных установак. Дыпломы і грашовыя прэміі атрымалі А. У. Сак з ААТ "Агра-Дубінское", А. В. Раманчык з ТАА "Тарасава" і У. Ц. Бойка з СГУ "Бабровічы" УП "Мінскаблгаз". Лепшым сярод галоўных аграномаў прызнаны В. П. Трус з ААТ "Багданаўскае", а пераможцам  сярод галоўных інжынераў стаў В. С. Буйноўскі з гэтага ж сельгаспрадпрыемства.

У час мерапрыемства адбыўся шэраг іншых прыемных момантаў, гучалі словы глыбокай падзякі за вопыт, майстэрства і сапраўдную адданасць няпростай прафесіі хлебароба. Стваралі святочную атмасферу вакальнымі і гумарыстычнымі нумарамі артысты раённага Цэнтра культуры і Івянецкага ГПДК, калектывы мастацкай самадзейнасці. Трэба адзначыць, што музыка гучала не толькі ў памяшканні: на вуліцы таксама было весела сэрцу і душы. Клікалі да сябе арганізатары імправізаваных падворкаў з выставамі харчовай, прамысловай і рамесніцкай прадукцыі, гучалі народныя песні. Для ўсіх жадаючых вытворцы наладзілі дэгустацыю, дзе знайшлося месца мясным, малочным, кулінарным шэдэўрам, карыснаму льняному алею... Адным словам, восеньскія дні пацвердзілі: будзем і з хлебам, і з добрым настроем!

Тэкст і фота Сяргея САДОЎСКАГА

Штогод супрацоўнікі раённага аддзялення і абласнога ўпраўлення Дэпартамента аховы прыязджаюць у Чэхаўшчынскую дапаможную школу-інтэрнат на свята першага званка.

Ва ўрачыстай абстаноўцы адбылося знаёмства маладога дырэктара ўстановы Паўла Леанідавіча Хількевіча і начальніка абласнога ўпраўлення Дэпартамента аховы палкоўніка міліцыі А. В. Царука. Гаворачы мовай пратакола, паміж імі ўсталявалася ўзаемапаразуменне, была заключана дамоўленасць працягваць і далей сяброўства, якое доўжыцца ўжо больш за дзесяцігоддзе. Алег Вячаслававіч паабяцаў унікаць у праблемы матэрыяльнага забеспячэння школы і па меры магчымасці дапамагаць у іх вырашэнні.  

Складана вызначыць, хто атрымаў ад сустрэчы большае задавальненне: госці ці гаспадары. Адназначна можна сказаць толькі адно – раўнадушных ці тых, хто паддаўся дрэннаму настрою, у той дзень не было. На ўрачыстай лінейцы дарослыя ўспомнілі сваё школьнае дзяцінства, а вучні, якія паспелі за лета засумаваць па занятках, з задавальненнем слухалі настаўнікаў у міліцэйскай форме, з нецярпеннем чакалі самага цікавага: магчымасці самім пабываць у ролі праваахоўнікаў. Па традыцыі, супрацоўнікі Дэпартамента аховы прывезлі на сустрэчу разнастайныя спецсродкі: бронекамізэлькі, шчыты, наручнікі, табельную зброю. Усё гэта можна было разглядаць, мацаць рукамі і нават прымяраць. Дазвалялася таксама сядзець і фатаграфавацца ў салоне службовага аўтамабіля.

Але калі наступіла чарга аўчаркі Багіры паказаць спрыт і дзівосы дрэсіроўкі, публіка ўжо ні на што іншае не рэагавала. Выхаванцы школы-інтэрната добра ведаюць гэту памочніцу міліцыі. Міліцыянер-кінолаг Вадзім Журкевіч дазваляе хлопчыкам і дзяўчынкам пагладзіць сабаку, аддаваць ёй простыя загады. Сур’ёзная пры выкананні аператыўных заданняў Багіра ў дзіцячым асяродку становіцца ласкавай і паслухмянай.  

Пасля лінейкі і практычных заняткаў на свежым паветры школьнікаў чакаў яшчэ і “смачны” сюрпрыз, падрыхтаваны шэфамі.

Алена ЗБІРЭНКА

Фота прадастаўлена аддзяленнем

Дэпартамента аховы

Лепшых павароў, кандытараў і афіцыянтаў Міншчыны выбіралі на мінулым тыдні. Месцам правядзення 31-га абласнога конкурсу на гэты раз стаў наш райцэнтр.

Сёння спажывецкая кааперацыя, нягледзячы на жорсткую канкурэнцыю на рынку грамадскага харчавання, жыве і развіваецца. Прафесіяналы старанна ўдасканальваюць сваё майстэрства, таму іх паслугі карыстаюцца попытам. З кожным годам спаборніцтва між работнікамі ўстаноў арганізацыі абагачаецца новымі традыцыямі, узрастае ўзровень патрабаванняў да майстэрства.

40 удзельнікаў (16 павароў, 15 афіцыянтаў, 9 кандытараў) з 18 раёнаў вобласці, а таксама кіраўніцтва аблспажыўтаварыства  сабрала зала РЦК. Тут адбылося ўрачыстае адкрыццё конкурсу. Канкурсантаў і арганізатараў вітаў Валерый Мікалаевіч Марынічаў – старшыня праўлення абласной структуры. Ён адзначыў: “Карысць падобных конкурсаў цяжка пераацаніць. Яны дапамагаюць спецыялістам вырастаць у прафесійным плане, дазваляюць абмяняцца вопытам, навучыцца новым прыёмам у прыгатаванні, афармленні і падачы страў”.

Майстроў прадстаўлялі начальнікі аддзелаў грамадскага харчавання. Не ўсе раёны забяспечылі ўдзел у кожнай з конкурсных намінацый. Каманда з Валожына была сфарміравана ў поўным складзе. Гонар нашага райспажыўтаварыства абаранялі афіцыянт рэстарана “Іслач” Аксана Антонаўна Лянкевіч, кандытар Лілія Віктараўна Саевіч і повар Ірына Іванаўна Іода. Кожная з іх мае 5-ы разрад у сваёй прафесіі.

Непасрэдна конкурсныя падзеі развярнуліся на базе рэстарана “Іслач”. Для кожнай катэгорыі былі падрыхтаваны асобныя заданні, ацэньваліся якія па досыць жорсткіх крытэрыях.

Кандытары выпякалі вясельны торт. Вядома, што смак выпечкі –  галоўная яе характарыстыка. Аднак знешні выгляд адыгрывае не апошнюю ролю падчас дэгустацыі кулінарных шэдэўраў. Таму канкурсанткі далі волю фантазіі. У выніку ў памяшканні сталовай (менавіта там прайшла абарона) панавала буйства форм, колераў і памераў, а ад водару ванілі, карыцы, шакаладу галава ішла кругам. Многія вырабы аказаліся настолькі складанымі ў выкананні, што цяжка было здагадацца, якім чынам створана падобная прыгажосць.

Вясельная тэма мела працяг і ў абедзеннай зале рэстарана. Афіцыянты атрымалі заданне аформіць канды-бар. Кожны ўдзельнік загадзя распрацоўваў канцэпцыю свайго стала, яго аздабленне. Апетытнае напаўненне (яшчэ адно з конкурсных заданняў кандытараў) было пададзена пры дапамозе самых незвычайных прадметаў, што, аказваецца, можна выкарыстоўваць у якасці посуду. Прадстаўніца Валожына, напрыклад, для сервіроўкі прыстасавала шкляныя вазы і шматпавярховую міні-этажэрку, на якіх размясціла безліч капкейкаў (невялічкія кексы), кейк-попсаў (міні-пірожныя на палачцы), пціфураў (асарці з маленькага пячэння). Цікавай была і яе візітоўка. Аксана Антонаўна вітала ўмоўных маладажонаў прыгожым вершам на беларускай мове.

У гэты час на рэстараннай кухні таксама кіпела жыццё. Для павароў арганізатары па традыцыі падрыхтавалі “чорныя скрынкі”. Кожны ўдзельнік атрымаў прадукт, які павінен быў стаць асновай дзвюх страў – закускі і гарачага. Повару з Валожына "чорная скрынка" дасталася ўдалая. Там яна знайшла добры кавалак свіной выразкі. У выніку апетытны медальён са складаным гарнірам і салата “Восеньская палітра” выклікалі адабрэнне журы, члены якога, дарэчы, вельмі прынцыпова ставіліся да сваіх абавязкаў.

Каманда журы была прадстаўлена спецыялістамі сектара грамадскага харчавання аблспажыўтаварыства, прадстаўнікамі прадпрыемстваў вобласці. Кіраўніцтва Валожынскага райвыканкама не засталося ўбаку ад падзеі абласнога маштабу. Кіраўнік раёна Мікалай Анатольевіч Астрэйка і старшыня раённага Савета дэпутатаў Сяргей Францавіч Глінскі знайшлі час, каб асабіста павітаць удзельнікаў і арганізатараў конкурсу.

Мерапрыемства доўжылася на працягу двух дзён і завяршылася цырымоніяй узнагароджання, якую правёў старшыня журы, начальнік сектара грамадскага харчавання аблспажыўтаварыства Дзмітрый Паўлавіч Пляханаў. У намінацыях “Майстар-пельменыч”, “Майстар арт-класа”, “Лепшы барыста” і іншых пераможцамі аказаліся прадстаўнікі Уздзенскага, Нясвіжскага, Любанскага, Копыльскага раёнаў. Гран-пры конкурсу атрымала каманда з Лагойска. Узнагароды за першае месца паехалі ў Стоўбцы, Нясвіж і Любань. Дыплом II ступені дастаўся прастаўнікам пяці раёнаў. Сярод іх наша кандытар Л. В. Саевіч. Яе трохпавярховы торт па арыгінальнай, складанай рэцэптуры быў прызнаны адным з лепшых. Дыпломам III ступені адзначана работа шасці ўдзельнікаў, у тым ліку і нашага афіцыянта  А. А. Лянкевіч. Заахвочвальны прыз атрымала повар І. І. Іода. Як адзначыў старшыня Валожынскага райспажыўтаварыства Валерый Уладзіміравіч Бітэль, з улікам таго, што канкурэнцыя падчас конкурсу была значнай, вынік нашай каманды – два прызавыя месцы – безумоўна, радуе.

Валянціна КРАЎНЕВІЧ,

фота аўтара

Працягваюцца мерапрыемствы ў рамках рэспубліканскай акцыі “У школу разам” Таварыства Чырвонага Крыжа.

Старшыня раённай структуры Антаніна Уладзіміраўна Трацэўская разам з валанцёрамі – маладымі спецыялістамі ЦТДіМ Паўлам Аляксандравічам Ляшчынскім і Іванам Генадзьевічам Міхеткіным – наведалі сацыяльны прытулак. Сярод хлопчыкаў і дзяўчынак, што часова выхоўваюцца тут, сямёра школьнікаў. Менавіта яны атрымалі абутак, адзенне, канцылярскія тавары. На набыццё гігіенічных сродкаў установе перададзена 100 рублёў. Дапамога ў выглядзе 70 рублёў аказана цэнтру карэкцыйна-развіваючага навучання.

Грошы былі сабраны ў спецыяльную скарбонку Чырвонага Крыжа з дапамогай індывідуальных прадпрымальнікаў. Значны ўклад у высакародную справу ўнесла гаспадыня магазіна “Люстэрка” Святлана Іванаўна Бычкоўская. Менавіта яна прадаставіла найбольшую колькасць якасных і карысных рэчаў. Традыцыйна ўважлівымі да дабрачынных акцый застаюцца гаспадары магазінаў “Вясёлка”,  “Максім”, а таксама “Аўтазапчасткі” па вул. Савецкай.

У рамках гэтай жа акцыі актывісты грамадскай арганізацыі змаглі падтрымаць матэрыяльна семярых навучэнцаў сельскагаспадарчага прафесійнага ліцэя. Цікава, што большасць з іх з’яўляюцца валанцёрамі Чырвонага Крыжа.

Валянціна КРАЎНЕВІЧ

У дабрачыннай акцыі «Прафсаюзы – дзецям» паўдзельнічалі амаль усе пярвічныя прафсаюзныя арганізацыі прадпрыемстваў і працоўных калектываў раёна. Згодна з калектыўнымі дагаворамі і Палажэннем, былі прыняты рашэнні аб аказанні матэрыльнай дапамогі бацькам школьнікаў і дзецям са шматдзетных, прыёмных і няпоўных сямей. 

Валожынскае раённае аб’яднанне прафсаюзаў паклапацілася пра тых хлопчыкаў і дзяўчынак, якія зараз знаходзяцца ў сацыяльным прытулку. Валожынскі філіял «Беларусьбанка» не толькі набыў школьнікам неабходныя для вучобы рэчы, але і наладзіў відовішчнае шоу. Як заўсёды, не паскупіліся прафсаюз і бухгалтэрыя ДП Валожынскага філіяла «Мінскаблпаліва». Шматдзетныя бацькі – працаўнікі аддзялення паштовай сувязі, раённага цэнтра гігіены і эпідэміялогі, тэрытарыяльнага цэнтра сацыяльнага абслугоўвання насельніцтва, жылкамунгаса – атрымалі дадатковыя грошы на падрыхтоўку сваіх малых да школы. Многія арганізацыі акцыю «Збяром школьны партфель разам» прафінансавалі з дзвюх крыніц: з прафсаюзнага рахунку і за кошт наймальніка. Такім шляхам пайшлі райспажыўтаварыства, СГУ «Бабровічы», лясгас. Знайшлі магчымасць паспрыяць у добрым пачынанні працоўныя калектывы дзяржаўных структур, работнікі культуры, адукацыі, аховы здароўя, АПК. 

Прыемна адзначыць, што з кожным годам у грамадстве расце цікавасць да дабрачынных акцый, якія адбываюцца па ініцыятыве прафсаюзаў. Трэба, каб ніводнае дзіця не засталося без абновак і падарункаў да навучальнага года.

Вераніка ЗАГОРСКАЯ,

старшыня Валожынскага раённага

аб’яднання прафсаюзаў

Альбом «Рукою мастера. Творчество художников Минщины» собрал под одной обложкой работы художников в самых разных жанрах и стилях. Каждый из них изображает окружающую действительность или приоткрывает дверь в собственный внутренний мир средствами живописи, графики, скульптуры, декоративно-прикладного творчества. Все мастера, чьи работы представлены в этом альбоме, разные, но у них есть одно общее качество – они тонко чувствуют и могут ярко выразить свои мысли и ощущения.

Воложинский район в данном альбоме представляют три художника.

Алесь Адамович Квятковский – родился в 1952 году в г.Воложин. Окончил Республиканскую школу-интернат по музыке и изобразительному искусству, Белорусский государственный театрально-художественный институт (1975). Учился у Г.Ващенко, С.Каткова, В.Стельмашонка. Работает в станковой живописи, графике, монументальном искусстве. Живописные произведения художника находятся в музеях и частных коллециях в Беларуси, Франции, Швейцарии, Германии, Ирландии, США и других странах.

Владимир Григорьевич Сайко – родился 12 августа 1991 года в г.Воложине. В 2010 году окончил Минскую государственную гимназию-колледж искусств имени И.О. Ахремчика. В 2010 году обучался на факультете станковой живописи МГАХИ имени В.И. Сурикова в Москве. В 2011 году перевёлся в Белорусскую государственную академию искусств (мастерская В.П. Масленникова). Учился в мастерских Е.А. Барановской (Минск), А.Г. Кузнецова (Москва). С 2009 года работает в книжной графике. С 2014 года – в составе объединения художников «Пробуждение». Произведения находятся в Центре ЮНЕСКО Луи Франсуа (Франция), в собраниях исторических и краеведческих музеев Беларуси, в частных коллекциях в Беларуси, России, Украине, Польше, Китае, Италии, Франции, Швейцарии, Сербии, Черногории, Германии, Туркменистане, Иране, ЮАР, США, Канаде, Эквадоре и других странах.

Феликс Иосифович Янушкевич – родился 30 мая 1954 года в г.п. Раков Воложинского райисполкома. Окончил Белорусский театрально-художественный институт (1978), Творческие мастерские Академии искусств СССР в Минске (1984). Работает в разных жанрах станковой живописи.

У былой “сталіцы кантрабандыстаў” прайшоў фестываль культур. Сёлета на фестывалі прэзентавалі беларускую, польскую, яўрэйскую і літоўскую культуры.

Арганізатарамі мерапрыемства з’яўляюцца аддзел ідэалагічнай работы, культуры і па справах моладзі Валожынскага райвыканкама, Ракаўскі сельскі выканаўчы камітэт, Амбасада Польшчы ў Беларусі, Польскі інстытут у Мінску. Акрамя гэтага праект падтрыманы пасольствам Дзяржавы Ізраіля ў Беларусі.

Падчас свята можна было пачаставацца нацыянальнай кухняй, паслухаць выступы народных калектываў, прыняць удзел у квэсце і паслухаць выступ Лявона Вольскага.

У мерапрыемстве прынялі ўдзел і члены Групы вайскова-гістарычнай рэканструкцыі “Беларусы ў Войску Польскім”. Магчыма, у наступным годзе ў рамках Ракаўскага фэста атрымаецца зрабіць адмысловы стэнд-выставу, прысвечаную “рыжскай мяжы” ля Заслаўя-Ракава.

У жніўні калектыў ААТ “Валожынская райаграпрамтэхніка” сабраць разам было амаль немагчыма. Дзевяць адзінак тэхнікі, механізатары і вадзіцелі камандзіраваліся ў 12 гаспадарак раёна для аказання дапамогі ва ўборцы хлеба.

Па папярэдніх падліках, найбольш прадукцыйнай аказалася праца вадзіцеля Уладзіміра Русіновіча, які перавёз 1030 тон зерня новага ўраджаю. Трохі не дацягнуў да лідара вадзіцель Віктар Макарэвіч. На яго асабістым рахунку – 1024 тоны збажыны. Трэці радок гэтага рэйтынгу займае вадзіцель Міхаіл Пякарскі, які адвёз 988 тон.

Вядома, што ў гарачы час нельга ўпускаць ні хвіліны спрыяльнага надвор’я. Але ж і без адпачынку чалавек доўга не працягне. Таму прафсаюзны камітэт прадпрыемства (старшыня прафсаюзнага камітэта – Алена Іванаўна Садоўская) вырашыў арганізаваць для сваіх працаўнікоў аднадзённы турыстычны ваяж у Брэст. Акрамя наведвання гераічнай крэпасці было арганізавана воднае падарожжа па рацэ Мухавец. Людзі прыемна і з карысцю правялі выхадны, каб з новымі сіламі прыступіць да работы.

Алена ЗБІРЭНКА

Воложинским райисполкомом принято Решение «О повышении эффективности работы по предотвращению гибели людей на водах и подготовке к купальному сезону 2017 года» № 433 от 12.04.2017 г (далее – Решение). Согласно Решения, определены 4 зоны массового отдыха населения на водных объектах района и определен перечень обслуживающих предприятий, для обустройства и надлежащего содержания зон отдыха, утверждены мероприятия по подготовке пляжей, рекреационных зон на водных объектах к купальному сезону 2017 года. Зоны отдыха: «Желтый берег»  ГЛХУ «Воложинский лесхоз», «Саковщина» - ГУП «Воложинское ПМС», «Воложинское водохранилище» и «Погорелка» - РУП «Воложинский жилкоммунхоз».

Проведена санитарно-гигиеническая экспертиза всех зон отдыха. Субъектами хозяйствования, обслуживающими зоны отдыха получены санитарно-гигиенические заключения.

В период с 17 апреля по 01 сентября 2017 года специалистами центра гигиены и эпидемиологии неоднократно обследовались все узаконенные зоны отдыха на водных объектах района. На зонах отдыха выявлялись нарушения в части несвоевременной уборки от твердых отходов из урн и контейнеров, скашивания сорной растительности, текущего ремонта малых архитектурных форм, установки туалетов. По выявленным нарушениям было подготовлено 20 рекомендаций, 1 предписание, 10 информационных писем организациям, закрепленным для обслуживания зон отдыха. Составлен 1 протокол об административном правонарушении, наложен 1 штраф на сумму 230,0 рублей. Отобрано и исследовано 91 проба воды на санитарно-химические, микробиологические, вирусологические и паразитологические показатели. Все пробы соответствуют установленным гигиеническим нормативам и параметрам безопасности.

За период купального сезона по 01.09.2017 года, купание в зонах отдыха и их эксплуатация не ограничивались, не приостанавливались, не запрещались.

Основным, не решенным  вопросом осталось -  не осуществление ГЛХУ «Воложинский лесхоз» производственного контроля, в соответствии с действующими техническими нормативно-правовыми актами, за качеством воды водного объекта в зоне рекреации «Желтый берег».

Врач-гигиенист

Воложинского РЦГиЭ                                                            Н.М. Булова

07.09.2017 г.

Проект для людей с ограниченными физическими возможностями реализуют в Воложинском районе. Те, кто имеет проблемы со здоровьем, смогут заниматься в инклюзивных группах, получить профессию и рассчитывать – в будущем – на трудовую пенсию, сообщили в программе «Минщина» на СТВ.

Специальные классы появятся в территориальном центре социального обслуживания.

Открыть их помогут волонтеры из США. Это будут мастерские, где все желающие смогут освоить ту или иную профессию.

Лариса Щербачевич, заведующая отделения дневного пребывания для инвалидов «Воложинский территориальный центр социального обслуживания населения»:

В ходе данного проекта общественная организация на арендуемых площадях построит теплицу и поможет нашим ребятам, чтобы они смогли получить профессию «специалист по выращиванию грибов». В ходе реализации проекта будет закуплено различное оборудование – это инвентарь, теплицы, соломорез.

В дальнейшем планируется открытие унитарного предприятия и создание четырех рабочих специализированных мест для людей с инвалидностью.

Группы дневного пребывания для людей с проблемами здоровья в Воложинском центре социального обслуживания существуют 10 лет. Сегодня их посещают 20 человек. Все они под опекой квалифицированных педагогов и психологов.

http://www.ctv.by